Skleroma

Sabablari
Skleroma belgilari
Diagnostika
Skleromani davolash
Xavf
Oldini olish
Shifokor qabuliga yozilish

Skleroma nafas yo‘llari devorlarining yallig‘lanishi va granulyomalar hosil bo‘lishi bilan ta’riflanadigan surunkali infektsion kasallikdir. Skleroma (yoki skleroma kasalligi) bilan og‘rigan bemorlar ko‘pincha nafas olish qiyinlashishi, ovoz funksiyasining buzilishi, burun bitishi va boshqa alomatlardan shikoyat qiladilar. Kasallik nafas olish tizimining turli qismlarini, jumladan hiqildoq, yuqori nafas yo‘llari va boshqa sohalarni zararlashi mumkin.

Skleromani davolovchi barcha shifokorlarni ko‘rish

Sabablari

Yuqori nafas yo‘llari skleromasi Frish-Volkovich tayoqchasi tufayli yuzaga keladi, bu tayoqcha infeksiya yuqqan odam bilan aloqa qilish orqali organizmga kiradi.

Kasallik qayerda joylashganiga qarab halqum, burun, traxeya, bronxlar va hiqildoq skleromalari tafovut qilinadi. Kasallik uch bosqichda kechadi: boshlang‘ich davr, faol davr va chandiqli (regressiv) davr.

Skleroma belgilari

Nafas yo‘llari skleromasi simptomlari quyidagilardan iborat:

Balg‘am ajralishi
Bosh og'rig'i
Tomoqdagi noqulaylik
Nafas olishning qiyinligi
Umumiy darmonsizlik
Bo‘g‘iqlik
Kuchli charchoq
Arterial bosimning pasayishi
Ishtahaning pasayishi
Mushaklar tonusining pasayishi
Uyquchanlik
Hiqildoq yo‘lining torayishi
Burunda quruqlik
Hid bilishning yomonlashishi

Shuningdek, faringit, sinusit, laringotraxeit, laringit, traxeit, otit, bronxit, pnevmoskleroz, bronxoektatik kasallik va boshqalar kabi asoratlar rivojlanishi mumkin.

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldening olish osonroq

Diagnostika

Biopsiya

Kompyuter tomografiyasi

Endoskopik tadqiqot usullari

Rentgen

Bronxografiya

LOR (otorinolaringologiya)

Burun bakteriologik bakposev

Skleroma diagnostikasi uchun quyidagi usullar qo‘llaniladi:

Zarur hollarda stomatolog, okulist, dermatolog va boshqa mutaxassislardan qo‘shimcha maslahat olish.

Skleromani davolash

Nafas yo‘llari skleromasini davolash quyidagi chora-tadbirlarni o‘z ichiga oladi:

etiotrop va yallig‘lanishga qarshi terapiya;
nafas yo‘llari o‘tkazuvchanligini jarrohlik yo‘li bilan tiklash;
sklerom granulalarini so‘rib olish va chandiqlanishning oldini olish uchun mahalliy rentgenoterapiya;
moyli va ishqoriy ingalyatsiyalar;
bujlanish (nafas yo‘llarining toraygan qismlarining kengayishi).

Xavf

Skleromada sog‘ayish oqibati kasallikning qayerdaligi va nafas yo‘llarining zararlanish darajasiga bog‘liq. Murakkab hollarda kasallik ko‘p yillar davomida davom etishi mumkin va ko‘pincha retsidiv xarakterga ega bo‘ladi. Asfiksiya, nafas yetishmovchiligi yoki bronx-o‘pka asoratlari rivojlanganda o‘limga olib kelishi mumkin.

Oldini olish

Skleromaning oldini olish uchun quyidagilar tavsiya etiladi:

shamollash kasalliklarini o‘z vaqtida davolash;
immunitetni mustahkamlash uchun muntazam ravishda vitaminoterapiya kurslaridan o‘tish;
haddan tashqari sovqotishdan qochish;
sog‘lom turmush tarziga amal qilish;
sport bilan shug‘ullanish.