Quruq ko'z sindromi

Sabablari
Quruq ko'z sindromining belgilari
Diagnostika
Quruq ko'z sindromini davolash
Xavf
Oldini olish
Shifokor qabuliga yozilish

"Quruq ko‘z" sindromi - bu ko‘z yoshi yetishmovchiligi yoki noto‘g‘ri ajralishi tufayli shox pardaning holati o‘zgarib, ayniqsa, ko‘rish paytida noqulaylik hissini keltirib chiqaradigan kasallikdir.

Quruq ko'z sindromini davolovchi barcha shifokorlarni ko‘rish

Sabablari

Kasallik ko‘z yoshi suyuqligi ishlab chiqarilishining kamayishi yoki uning sifat tarkibining o‘zgarishi tufayli yuzaga keladi. "Quruq ko‘z" sindromining asosiy sabablari quyidagilardan iborat:

kontakt linzalarini uzoq vaqt yoki noto‘g‘ri taqish;
ko‘z yoshi hosil bo‘lish jarayonlarini buzuvchi dori preparatlaridan foydalanish (masalan, tomir kengaytiruvchi yoki antigistamin preparatlar);
miltillash chastotasining pasayishiga olib keladigan uzoq muddatli ko‘rish yuklamalari (televizor tomosha qilish, kompyuterda ishlash);
ko‘rishning lazerli korreksiyasi;
chang, tutun, quruq issiq havo kabi shox pardaning mexanik qo‘zg‘atuvchilari;
organizmning yoshga bog‘liq o‘zgarishlari;
lipidlar yetishmasligi bilan noto‘g‘ri ovqatlanish.

Quruq ko'z sindromining belgilari

"Quruq ko‘z" sindromining xarakterli belgilariga quyidagilar kiradi:

Ko‘zdan shilimshiq ajralishi
Ko‘zlar achishishi
Xira ko‘rish
Ko'zlar qichishi
Ko'zlarning qizarishi
Ko‘z yosh oqishi
Ko‘rish aniqligining pasayishi
Yorqin yorug‘likka sezgirlik

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldening olish osonroq

Diagnostika

"Quruq ko‘z" sindromini davolash usulini aniqlash uchun okulist quyidagi tekshiruvlarni o‘tkazadi:

shox parda, konyunktiva va ko‘z qovoqlarining erkin chekkalarini biomikroskopik tekshirish;
konyunktiva va shox parda qismlaridagi o‘zgarishlarni aniqlaydigan maxsus tomchilardan foydalanish.

Sistema kollagenozini istisno qilish uchun revmatolog maslahati talab qilinishi mumkin.

Quruq ko'z sindromini davolash

"Quruq ko‘z" sindromini davolash quyidagilarni o‘z ichiga oladi:

o‘rnini bosuvchi terapiya preparatlaridan foydalanish ("sun’iy ko‘z yoshlari");
antibakterial preparatlarni qo‘llash;
polivitaminlar qabul qilish;
silikon yoki kollagen probka yordamida ko‘z yosh kanalchasini vaqtincha yopish.

Xavf

"Quruq ko‘z" sindromini davolashning yo‘qligi quyidagi asoratlarga olib kelishi mumkin:

surunkali konyunktivit;
shox pardada chandiqlar paydo bo‘lishi;
ko‘rish sifatining pasayishi (ko‘rlikkacha).

Oldini olish

Kelgusida "quruq ko‘z" sindromi muammosining oldini olish uchun bemorlarga quyidagilar tavsiya etiladi:

yetarli miqdorda suyuqlik iste’mol qilish (kuniga 1,5-2 litr suv);
kompyuterda ishlayotganda yoki televizor ko‘rayotganda har 40 daqiqada tanaffus qilish;
turar joy va ish xonalarini muntazam ravishda shamollatishga;
oftobda quyoshdan saqlovchi ko‘zoynak yoki keng soyabonli bosh kiyim kiyish.