Prostata bezi adenomasi

Sabablari
Prostata bezi adenomasi belgilari
Diagnostika
Prostata adenomasini davolash
Xavf
Oldini olish
Shifokor qabuliga yozilish

Prostata bezi adenomasi bezning prostatik qismidagi uretra atrofida joylashgan parauretral bezlarning xavfsiz yangi hosilasidir. U uretraning o‘sib borayotgan tugunchalar bilan bosilib qolishiga sabab bo‘ladi, bu esa siydik chiqarishning buzilishiga olib keladi.

Prostata bezi adenomasini davolovchi barcha shifokorlarni ko‘rish

Sabablari

Prostata bezi adenomasi surunkali prostatit bilan bog‘liq bo‘lishi mumkin degan fikr mavjud, ammo bu ilmiy dalillar bilan tasdiqlanmagan. Adenomaning alkogol iste’mol qilish, chekish, jinsiy hayotning tez-tez davom etishi yoki o‘tkazilgan yallig‘lanish va tanosil kasalliklari bilan bog‘liqligini isbotlovchi dalillar yo‘q.
Adenoma xavfi yoshga qarab ortadi va urologlar uni erkaklar klimaksidagi (andropauza) gormonal fonning o‘zgarishi bilan bog‘laydilar. Jinsiy balog‘atga yetguncha kastratsiyadan o‘tgan erkaklarda adenoma kamdan kam uchraydi.

Adenomaning qo‘shimcha sabablari jumlasiga quyidagilar kiradi:

"O‘tirish" turmush tarzi;
Irsiy moyillik;
Gormonal muvozanatning buzilishi

Prostata bezi adenomasi belgilari

Prostata bezi adenomasi belgilari shartli ravishda ikki guruhga bo‘linadi:

Obstruktiv:

Qiyin siydik ajralishi (kuchlanish zarurati);
Siydik chiqarishning boshlanishini kechiktirish va davomiyligini uzaytirish;
Qovuqning to‘liq bo‘shaganligini his qilish (hatto hojatdan keyin ham);
Sust yoki uzuq-uzuq siydik ajralishi.

Irritativ:

Tez-tez va kuchli siydik chiqarish;
Siydik tuta olmaslik;
Nikturiya (tungi diurezning kunduzgi diurezdan oshishi).

Napryajenie pri mocheispuskanii
Nederjanie mochi
Chastie pozivi k mocheispuskaniyu

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldening olish osonroq

Diagnostika

Prostatani UZI qilish

Sistoskopiya

Prostata bezi adenomasi simptomlarini baholash uchun bemorga siydik kunini yuritish tavsiya etiladi. Shifokor prostatani barmoq bilan tekshiradi va infeksiyani istisno qilish uchun siydik nayidan surtma oladi.

Keyinchalik, prostata bezining ultratovush tekshiruvi toshlarning hajmi, mavjudligi va turg‘unlik holatlarini baholash, shuningdek, siydik yo‘llari va buyrak kasalliklarini aniqlash uchun o‘tkaziladi. UTT ham qoldiq siydik hajmini aniqlashga yordam beradi.

Qoldiq siydikni hisoblashning eng aniq usuli siydik chiqarish tezligi va vaqtini o‘lchaydigan urofloumetriya hisoblanadi. Prostata spetsifik antigeni tahlili prostata saratonini istisno qiladi, kerak bo‘lsa biopsiya o‘tkaziladi. Adenomani boshqa kasalliklardan farqlash uchun sistoskopiya o‘tkaziladi.

Prostata adenomasini davolash

Prostata adenomasini davolash usulini tanlashda shifokor I-PSS shkalasidan foydalanadi, u siydik ajratish buzilishining og‘irligini baholaydi. Agar sakkiz balldan kam ball to‘plangan bo‘lsa, terapiya o‘tkazilmaydi. 9-18 ballda konservativ davolash, 18 va undan yuqori ballda jarrohlik davolash ko‘rsatilgan.

Xavf

Prostata adenomasi quyidagilarni keltirib chiqarishi mumkin:

Surunkali buyrak yetishmovchiligi;
Gematuriya;
Venalarning varikoz kengayishi;
Qovuqdagi toshlar;
Yuqumli kasalliklar (prostatit, adenomit, piyelonefrit, vezikulit va boshqalar);
Qovuq divertikullari;
O‘tkir siydik ushlanib qolishi;
Impotensiyani.

Oldini olish

Prostata adenomasining oldini olish chora-tadbirlariga quyidagilar kiradi:

Siydik-tanosil tizimining infeksion va yallig‘lanish kasalliklarini o‘z vaqtida va to‘g‘ri davolash;
50 yoshdan boshlab har yili urolog ko‘rigidan o‘tish;
Tana vaznini me’yorda ushlab turish;
Faol turmush tarzi;
Zararli odatlardan voz kechish;
Bitta jinsiy sherikning mavjudligi;
Shaxsiy gigiyena qoidalariga rioya qilish.