Respublika ixtisoslashtirilgan kardiologiya markazi

Respublika ixtisoslashtirilgan kardiologiya ilmiy-amaliy tibbiyot markazi 1976 yilda ilmiy-tadqiqot instituti sifatida tashkil etilgan. Unda bugungi kungacha moddiy-texnika bazasini yaxshilash, kadrlar tarkibini mustahkamlash borasida izchil ishlar olib borildi. Institut xodimlari yurak-qon tomir kasalliklarini davolashning yangi usullarini o‘rganib, amaliyotga joriy qildi. Bugungi kunda u mamlakatimizning kardiologiya sohasidagi yetakchi mutaxassislari ilmiy faoliyat olib boradigan va aholiga tibbiy yordam ko‘rsatadigan tibbiyot maskani hisoblanadi. U Respublika kardiologiya xizmati vertikal boshqaruvining bosh muassasasisidir. Ayni paytda mamlakatimizning turli hududlarida uning 5ta filiali mavjud. Shifokorlar Markazda yuqori malakali shifokorlar ilmiy va amaliy faoliyat olib boradi. Ulardan 30 nafari tibbiyot fanlari nomzodi, 10 nafari tibbiyot fanlari doktori. Aksariyat mutaxassislar ko'p yillik tajribaga ega yuqori va birinchi toifali shifokorlardir. Ular yurak kasalliklarini tashxislash, davolash va oldini olishning zamonaviy usullarini ishlab chiqish, bu yo‘nalishda kadrlar tayyorlash, bemorlarga professional tibbiy xizmat ko‘rsatish bo'yicha faoliyat olib bormoqda. Xizmatlar Markazda bemorlarga ambulator va statsionar yordam ko‘rsatish uchun sharoitlar yaratilgan. Statsionarda 250dan ortiq bemor uchun joy ajratilgan. Samaradorligi ilmiy isbotlangan yangi murakkab va noyob usullardan foydalangan holda yuqori texnologiyali kardiologik operatsiyalar amalga oshirilmoqda. Markazning zamonaviy diagnostika va laboratoriya uskunalari yordamida barcha zaruriy tadqiqotlar olib boriladi: - stress testlari - uglevodlar, lipidlar va oqsillar almashinuvining asosiy ko'rsatkichlarini aniqlash - EKG - Exo KG - Stress Exo KG - reografiya - EKG va qon bosimining 24 soatlik Xolter monitoringi - Exo EG - EEG - reoensefalografiya va boshqalar.