Virusologiya ilmiy-tadqiqot instituti klinikasidagi Gepatologlar

klinika haqida ma'lumot

Virusologiya ilmiy-tadqiqot instituti davlat tibbiyot muassasasi boʻlib, uning faoliyati virusli kasalliklarga tashxis qoʻyish, davolash va oldini olishga qaratilgan. U 1978 yilda tashkil etilgan. Institut faoliyatining asosiy yo‘nalishlari yangi usullarni o'rganish va ishlab chiqish, amaliyotga joriy etish va aholiga professional tibbiy xizmat ko‘rsatishdan iborat. Institut tarkibiga quyidagilar kiradi: • 8ta bo'limni o'z ichiga olgan klinika. U OIV, OITS, sirroz, diareya kasalliklari, virusli gepatit bilan kasallangan bemorlarga yordam ko'rsatish bilan shug'ullanadi. • 3ta laboratoriya. • 6ta tadqiqot bo'limi. Shifokorlar Markazda ko‘p yillik tajribaga ega shifokorlar faoliyat olib boradi. Ular orasida fan nomzodlari va doktorlari bor. Shifokorlar respublika va xalqaro miqyosdagi ilmiy-amaliy anjuman va seminarlarda tez-tez qatnashib kelmoqda. Klinikada ular laboratoriya va instrumental diagnostika asosida konsultatsiyalar o'tkazadi, diagnostika va davolash muolajalarini tayinlaydi. Xizmatlar Klinikada kattalar va bolalarga yordam ko'rsatadigan ambulator-poliklinik diagnostika va gepatologiya markazi mavjud. Unda infeksionist shifokorlar va ultratovush diagnostikasi bo'yicha mutaxassislar ishlaydi. Virusologiya ilmiy-tadqiqot instituti klinikasida jami 200ta bemor uchun o'rin ajratilgan. Ulardan 40tasi bolalar diareya kasalliklari bo‘limiga ajratilgan bo'lib, u yerda rotavirus, dizenteriya, enterovirus va boshqa yuqumli kasalliklar davolanadi. OIV va OITSga qarshi kurash bo‘limi ham 40ta o‘ringa ega. U OIV va OITSni, ularning asoratlarini, hamroh patologiyalarni diagnostika qilish, davolash bilan shug'ullanadi. Antiretrovirus terapiyasi amalga oshiriladi. Shuningdek, boshqa surunkali va o‘tkir virusli gepatitlarni davolovchi bo‘limlarda, intensiv terapiya va reanimatsiya bo‘limlarida yuqori malakali statsionar tibbiy yordam ko‘rsatadi.

Yunusobod-3, Yangi Shaxar ko`chasi, 7