Proktolog - to‘g‘ri ichak kasalliklarini tashxislash va davolash bilan shug‘ullanuvchi mutaxassis. Ko‘pincha unga gemorroy va anal yoriqlari tufayli murojaat qilinadi. Konsultatsiya paytida proktolog odatda tashqi ko‘rik, barmoq tekshiruvi va ba’zi hollarda rektoromanoskopiya o‘tkazadi. Ushbu protseduralar informativ bo‘lishi uchun maxsus tayyorgarlik zarur.
To‘g‘ri ichak axlat massasidan tozalangan bo‘lishi kerak.Buning uchun dori preparatlari bilan tozalash klizmasi yoki mikroklizmasi bajariladi. Agar tayyorgarlik oldindan olib borilsa, bo‘shashtiruvchi vositalarni qabul qilish mumkin. Shuni hisobga olish kerakki, ba’zi kasalliklarda klizma yoki bo‘shashtiruvchi vositalarga qarshi ko‘rsatma bo‘lishi mumkin. Proktolog konsultatsiyasiga tayyorlash usulini mutaxassisga yo‘naltiruvchi vrach belgilashi kerak.
Tashrifdan oldin, shuningdek, gaz hosil bo‘lishi va qabziyatni keltirib chiqaradigan mahsulotlarni istisno qilgan holda, bir-ikki kun davomida yengil parhezga rioya qilish tavsiya etiladi. Qabulda proktologga ichakning holati va ilgari o‘tkazilgan tekshiruvlarga tegishli barcha tibbiy hujjatlarni taqdim etish zarur. Agar sizda surunkali kasalliklar bo‘lsa yoki siz qandaydir dori-darmonlarni qabul qilsangiz, bu haqda shifokorga xabar bering.
Shuni yodda tutish kerakki, ochiqlik va proktolog tavsiyalarining aniq bajarilishi muvaffaqiyatli tashxislash va davolashning asosiy omillari hisoblanadi. Savol berishdan va salomatligingizga tegishli har qanday tafsilotlarni aniqlashdan tortinmang.