Foydalanish uchun ko'rsatmalar
– кўз ички босимини ошиши (офтальмогипертензия);
– очиқ бурчакли глаукома;
– афакияли кўздаги глаукома ва иккиламчи глаукоманинг бошқа турлари;
– ёпиқ бурчакли глаукомада кўз ички босимини пасайтириш учун қўшимча восита сифатида (миотиклар билан мажмуада);
– туғма глаукома (бошқа дори воситаларни самараси бўлмаганида).
Qo'llash mumkin bo'lmagan holatlar
– Нафас йўлларининг реактив касалликлари, шу жумладан бронхиал астма, анамнезида бронхиал астма ёки нафас йўлларини оғир даражали сурункали обструктив касалликлари;
– синусли брадикардия;
– синус тугунини кучсизлиги синдроми;
– юракни синоаурикуляр блокадаси; ритм бошқарувчиси томонидан назорат қилиб бўлмайдиган II-III даражадаги атриовентрикуляр блокада;
– декомпенсацияланган юрак етишмовчилиги; кардиоген шок;
– шох пардадаги дистрофик жараёнлар;
– фаол модда (тимолол малеат) га ёки препаратнинг ҳар қандай ёрдамчи моддасига ўта юқори сезувчанлик.
Эҳтиёткорлик билан
Ўпка етишмовчилиги, оғир даражали цереброваскуляр етишмовчилиги, компенсация босқичидаги юрак етишмовчилиги, артериал гипотензия, қандли диабети, гипогликемия, тиреотоксикоз, миастенияс, Рейно синдроми, феохромоцитомас, атрофик ринити бўлган беморларга, шунингдек бошқа бета-адреноблокаторлар ва эпинефринни ажралиб чиқишини кучайтирадиган психоактив дори воситалари билан бир вақтда буюрилганда.
Farmakodinamikasi
Тимолол бета-адреноблокатор бўлиб, кўз ички суюқлигини ишлаб чиқарилишини камайтириб, кўз ички босимини пасайтиради.
Homiladorlik va laktatsiya davrida
Ҳомиладор аёлларда тимололни қўллаш бўйича маълумотлар етарли эмас. Тимолол кўз томчиларини ҳомиладорлик вақтида қўллаш мумкин эмас, уни қўллаш зарур бўлган ҳоллардан ташқари. Эпидемиологик тадқиқотларда ҳомилада туғма нуқсонларни ривожланишига бета-блокаторларни таъсири (тератоген самараси) аниқланмаган, аммо препарат перорал қўлланганида ҳомилани ўсишини кечикишини кўрсатди. Агар бета-блокаторлар туғруққача қўлланилган бўлса, янги туғилган чақалоқларда бета-блокаданинг белгилари ва симптомлари (брадикардия, гипотензия, респиратор дистресс синдром, гипогликемия) кузатилган. Агар «Тимопресс» препарати бевосита туғруқдан олдин қўлланилган бўлса, у ҳолда туғилгандан сўнг янги туғилган чақалоқлар бир неча кун давомида синчков назорат остида бўлишлари керак.
Лактация:
Бета-блокаторлар она сути балан ажралади. Бироқ, янги туғилган чақалоқларда бета-блокаданинг клиник симптомларини чақириши учун «Тимопресс» препаратини она сутида етарли миқдорда бўлиш эҳтимоли кам.
Тизимли сўрилишини камайтириш усули, «Қўллаш усули ва дозалари» бўлимига қаранг.
