Foydalanish uchun ko'rsatmalar
Alimentar, makrotsitarva mikrotsitar anemiya, temir tanqisligi anemiyasi, homiladorlikdagi va emizish vaqtidagi anemiya, bolalardagi anemiya, surunkali qon yo'qotish oqibatidagi anemiya, tropik kasallik, gelьmintlar bilan zararlanish, infektsiyalarda va jarrohlik muolajasidan keyin qo'llanadi
Qo'llash mumkin bo'lmagan holatlar
R.B.Ton preparatini quyidagi holatlarda:
Preparatning komponentlaridan birortasiga ma'lum yuqori sezuvchanligi bo'lgan, temirni o'zlashtirolmaydigan patsiyentlarga buyurish mumkin emas. Gemoxromatoz va gemosiderozda, takroran qon quyilgan patsiyentlarga, temir tanqisligi bilan bog'liq bo'lmagan anemiyada, temirni parenteral ko'rinishda olayotgan patsiyentlar, surunkali kasalliklari yoki temirni so'rilishini buzilishi bo'lgan yoki me'da-ichak yo'llarining kasalliklari bo'lgan patsiyentlarga, kasallik tarixida me'da yarasi, podagra yoki jigar disfunktsiyasi va giperoksalaturiyasi bo'lgan patsiyentlarga qo'llash mumkin emas.
Farmakodinamikasi
R.B.Ton – majmuaviy preparatdir. Preparatning tarkibiga temir glyukonati, sianokobalamin, folat kislotasi va kalьtsiy laktati kiradi.
Preparat turli genezli temir tanqisligi anemiyalarida organizmdagi temir ionlari tanqisligini to'ldiradi va eritropoezni rag'batlantiradi. Temir gemoglobinning tarkibiga kiradi, kislorodni to'qimalarga tashilishini ta'minlaydi, ko'pgina fermentlar tizimining kofermenti hisoblanadi. Homiladorlik va laktatsiya davrida, pubertat yoshdagi qizlarda hayz ko'rish sikli oshganida, bolalarda jadal o'sish davrida, surunkali qon ketishlarda, shuningdek temirni so'rilish jarayonlarini buzilishi bilan kechuvchi me'da-ichak yo'llari kasalliklarida temirga bo'lgan talab oshadi. Preparat bilan bir kurs davolashda anemiyaning klinik simptomlari (holsizlik, toliqish, bosh aylanishi, taxikardiya, og'riq, teri qoplamlarini qurishi) va laborator ko'rsatkichlarni asta-sekin regressiyasi kuzatiladi.
Organizmda folat kislotasi turli metabolik jarayonlarda ishtirok etuvchi, koferment hisoblangan tetragidrofolat kislotasigacha qaytariladi. U megaloblastlarning normal yetilishi va normablastlarning hosil bo'lishi uchun zarur. Eritropoezni rag'batlantiradi, aminokislotalar (metionin, serin va boshq.), nuklein kislotalari, purin va pirimidinlar sintezida, xolin almashinuvida ishtirok etadi. Homiladorlik davrida teratogen omillarning ta'siriga nisbatan ma'lum darajada himoya funktsiyasini bajaradi.
Sianokobalamin (V12 vitamini) immunomodulyator, allergiyaga qarshi, antiaterosklerotik ta'sirlarga ega, arterial qon bosimini normallashtiradi, nerv to'qimasining strukturasini tiklaydi, reproduktiv faoliyatni yaxshilaydi, ishtahani oshiradi. V12 vitamini turli aminokislotalar sintezida ishtirok etadi, nerv tizimiga, jigar funktsiyasiga ijobiy ta'sir ko'rsatadi, uglevodlar va lipid almashinuvi, qon ivish jarayonlarini faollashtiradi.
Kalьtsiy nerv impulьslarini o'tkazilishida, silliq va skelet mushaklarini qisqarishida, miokardning ffunktsiyasida, qon ivishida qatnashadigankalьtsiy ionlarining manbai hisoblanadi; ular suyak to'qimasini shakllanishi uchun, boshqa tizim va a'zolarningfunktsiyasi ko'rsaishi uchun zarur.
Farmakologik ta'sir
Temir glyukonati: ichga qabul qilinganida temir glyukonati yuqori so'rilish darajasiga va biokiraolishligiga (ionizatsiya konstantasi past bo'lganligi tufayli) ega. So'rilishi asosan o'n ikki barmoq ichak va ingichka ichakning proksimal qismida yuz beradi. Plazma oqsillari bilan bog'lanishi 90% va undan ortiq (asosan gemoglobin bilan) qiymatni tashkil etadi. Gepatotsitlarda va retikuloendotelial tizimida ferritin yoki gemosiderin ko'rinishida, ko'p bo'lmagan miqdori – mushaklarda mioglobin ko'rinishida to'planadi. Temirni fiziologik yo'qotish normasi: erkaklar uchun va postmenopauza davridagi ayollar uchun – sutkada 1 mg, premenopauza davridagi ayollar uchun – sutkada 1,5-2 mg ni tashkil etadi.
Folat kislotasi: ichga qabul qilinganidan so'ng o'n ikki barmoq ichakda va ingichka ichakning proksimal qismida butunlay so'riladi. 3-6 soat o'tgan zahoti qonda yuborilgan preparatning taxminan 98,5% miqdori aniqlanadi. Folatlarni so'rilishiga ularni ichak bo'shlig'ida maxsus enzim digidrofolatreduktaza ta'sirida qaytarilishi sabab bo'ladi. Qonga tushgan folatlarning taxminan 87% eritrotsitlarda, 10-13% - qon zardobida mavjud bo'ladi. Qondan folatlar jigarga o'tadi, u yerda ular to'planishadi va o'zgarishlarga uchraydilar. Folatlarning taxminan 50% organizmdan siydik bilan, qolgan qismi – axlat bilan chiqariladi.
Sianokobalamin (V12 vitamini)ingichka (qisman yo'g'on) ichakda so'riladi, ichki omil bilan bog'lanib, ichak mikroflorasidan himoyalanadi. Ingichka ichakning shilliq qavatida kompleks V12 vitaminini retseptorga beradi, u uni hujayraga tashilishini amalga oshiradi. Qonda sianokobalamin transkobalamin I va II lar bilan bog'lanadi, va ular bilan birga to'qimalarga tashiladi. Sianokobalamin asosan jigarda to'planadi, jigardan safro bilan ichakka tushadi, u yerdan qayta so'riladi. Organizmdan buyraklar orqali chiqariladi. Yo'ldosh to'sig'i orqali o'tadi.
Kalьtsiy laktat: ichga qabul qilinganidan keyin qisman asosan ingichka ichakda so'riladi; organizmdan o'zgarmagan holatda chiqariladi. Qon plazmasida maksimal kontsentratsiyasiga preparat qabul qilinganidan 1,2-1,3 soatdan keyin erishiladi. Barcha a'zolar va to'qimalarga bir tekis taqsimlanadi. Qonda erkin (ion holida) va bog'langan holatda bo'ladi. Qon zardobidagi umumiy kalьtsiyning 50% ni ion holidagi kalьtsiy tashkil etadi, 5% anion komplekslari tarkibida, 45% oqsillar bilan bog'langan holatda bo'ladi. Ion holidagi kalьtsiy fiziologik faollikka ega. Ion holidagi kalьtsiyni plazmadan yarim chiqarilish davri 6-7 soatni tashkil etadi. Preparat yo'ldosh to'sig'i orqali o'tadi, ko'krak sutiga ajralib chiqadi. Kalьtsiyning taxminan 20% siydik bilan, 80% - ichak orqali chiqariladi.
