Foydalanish uchun ko'rsatmalar
- Tuxumdon raki
Paklitaksel Naprod ko'rsatilgan:
Tarqalgan yoki laporatomiyadan keyin rezidual (≥1 sm) tuxumdon rakini sisplatin bilan majmuada birinchi yo'nalish ximioterapiyasi sifatida.
Platina preparati asosidagi standart davolashda muvaffaqiyat bo'lmagandan keyin tuxumdonning metastatik rakini ikkinchi yo'nalish ximioterapiyasi sifatida.
- Sut bezining raki
Paklitaksel Naprod antratsiklin va siklofosfamid majmuasi bilan davolashdan keyin regionar limfa tugunlarida metastazlari bo'lgan sut bezining rakini ad'yuvant davolash sifatida (AS). Paklitaksel Naprod preparati bilan ad'yuvant davolash, AS ximioterapiyaning uzaytirilgan kursiga alьternativa sifatida qaralishi kerak.
Paklitaksel Naprod trastuzumab bilan majmuada sut bezining tarqalgan yoki HER-2 giperekspressiyasi bo'lgan (+++ immunogistoximik tekshirishlarning ma'lumotlari bo'yicha), shuningdek antratsiklinlarni ishlatishni iloji bo'lmaganda, birinchi yo'nalish davolash sifatida ko'rsatilgan.
Paklitaksel Naprod monoterapiyada samara yo'qligiga iqror bo'lgandan keyin yoki antratsiklin asosidagi davolashni ishlatish mumkin bo'lmaganda sut bezining metastatik rakini davolash uchun ko'rsatilgan.
- O'pkaning tarqalgan maydaxujayrali raki
Paklitaksel Naprod sisplatin bilan majmuada, potentsial radikal jarroxlik aralashuvi va/yoki nur bilan davolash rejalashtirilmagan, o'pkaning maydaxujayrali raki bo'lgan patsiyentlarga ko'rsatilgan.
- Orttirilgan immun tanqisligi sindromi (OITS) bilan assotsiatsiyalangan Kaposhi sarkomasi
Paklitaksel Naprod lizosomal antratsiklinlar bilan ilgari o'tkazilgan davolashdan muvaffaqiyat bo'lmaganda, OITS bilan assotsiatsiyalangan tarqalgan Kaposhi sarkomasida (KS) ko'rsatilgan.
Qo'llash mumkin bo'lmagan holatlar
Paklitakselni quyidagilarda qo'llash mumkin emas:
Faol moddadagi yoki yordamchi moddalardan xar qandayiga, ayniqsa makrogoglitserol ritsinoleatiga o'ta yuqori sezuvchanlik.
Xomiladorlik va emizish.
Neytrofillarning dastlabki miqdori ≤1500/mm3 (KS da - ≤1000/mm3).
Yondosh jiddiy va nazorat qilinmaydigan infektsiyasi bo'lgan Kaposhi sarkomasi bor bemorlarda qo'llash mumkin emas.
Majmuaviy davolash
Paklitaksel va sisplatin
Paklitakselni sisplatin bilan majmuasida, ayniqsa 175 mg/m2 doza 3 soat davomida yuborilganda 135 mg/m2 doza 24 soat davomida yuborilishi bilan solishtirganda, asosan periferik neyropatiya shaklidagi neyrotoksiklikning yuqori xavfi bor. Periferik neyropatiya davolashni birinchi siklidan keyin aniqlanishi va paklitaksel bilan davolash davom etgan sari yomonlashishi mumkin. Sensor buzilishlari paklitaksel bekor qilinganidan keyin bir necha oy davomida kamayadi yoki o'tib ketadi. Ilgari o'tkazilgan davolash bilan bog'liq bo'lgan mavjud neyropatiya, paklitaksel bilan davolash o'tkazishga qarshi ko'rsatma xisoblanmaydi. Ayollar jinsiy a'zolarining o'smalari bo'yicha paklitaksel sisplatin bilan majmuada ishlatilganda, sisplatinni monoterapiyada ishlatish bilan solishtirganda, buyrak yetishmovchiligi xavfini oshishi mumkin.
Paklitaksel va trastizumab
Paklitaksel trastizumab bilan majmuada ishlatilganda, paklitaksel monoterapiyada ishlatilgandagi bilan solishtirganda, quyidagi nojo'ya ko'rinishlarning tez-tezligini oshishi mumkin (ularni ikkali preparatlarni qo'llash bilan aloqasidan qat'iy nazar): yurak yetishmovchiligi, infektsiya, qaltirash, tana xaroratini oshishi, yo'tal, teri toshmalari, artralgiya, taxikardiya, diareya, arterial gipertenziya, burundan qon ketishi, akne, oddiy gerpes, tasodifiy travmalar, insomniya, rinit, sinusit va yuborish joyidagi reaktsiya.
Paklitaksel va doksorubitsin
Sut bezining metastatik raki bo'lgan bemorlarda doksorubitsinni paklitaksel bilan majmuada ishlatishda yurak mushagining qisqaruvchanligini buzilishi rivojlanishini yuqori xavfi bor (chap qorinchaning chiqarib tashlash fraktsiyasini ≥20% ga pasayishi). Dimlangan yurak yetishmovchiligi ≤1% patsiyentlarda kuzatilgan. Trastuzumab paklitaksel bilan majmuada ilgari antratsiklinlar olgan patsiyentlarga yuborilganda, paklitaksel monoterapiyada ishlatilgandagi bilan solishtirganda yurak faoliyatining buzilishlarini tez-tezligi va og'irlik darajasini oshishi mumkin.
Farmakodinamikasi
Paklitaksel tubulin dimerlaridan mikronaychalar yig'ilishini rag'batlantiradi, va ularning depolimerizatsiyasini buzib, ularning strukturasini turg'unlashtiradi. Bu interfaza va mitoz davrida mikronaychalar to'rini normal kechuvchi qayta tuzilishini bostiradi. Bundan tashqari, paklitaksel xamma xujayra sikli davomida mikronaychalar bog'larining va mitoz jarayonida mikronaychalarning ko'psonli yulduzsimon to'plamlarining patologik yig'ilishini induktsiya qiladi.
Farmakologik ta'sir
Vena ichiga yuborilgandan keyin paklitaksel qon plazmasidagi kontsentratsiyasining pasayishini ikki fazali davri bilan xarakterlanadi. Preparatning yarimchiqarilishini o'rtacha terminal davri 3,0 dan 52,7 soatgacha o'zgaradi, umumiy klirensi 11,6 dan 24,0 l/s/m2 ni tashkil qiladi va qon plazmasida paklitakselning kontsentratsiyasini oshishi bilan pasayadi. Preparatning taqsimlanishini o'rtacha muvozanatli xajmi 198 dan 688 l/m2 ni tashkil qiladi. Preparat 100 mg/m2 dozada vena ichiga tomchilab yuborilgandan keyin 3 soat davomida Smax ni o'rtacha qiymati 1530 ng/ml, AUC ni o'rtacha qiymati – 5619 ng/s/ml ni, taqsimlanish xajmi – 291 l/m2 ni tashkil qiladi.
Davolash sikllarini ko'psonli takrorlanishida preparat to'planmaydi. Paklitakselni qon plazmasi oqsillari bilan bog'lanishi 89-98% ni tashkil qiladi. Simetidin, ranitidin, deksametazon va difengidramin oqsillar bilan bog'lanish darajasiga ta'sir qilmaydi.
Yuborilgan dozaning 1,3% lan12,6% gachasi o'zgarmagan xolda siydik bilan chiqariladi. Paklitaksel asosan sitoxrom R450 ning CYP2C8, CYP3A4 izofermentlari tomonidan metabolizmga uchraydi. Axlat bilan yuborilgan dozaning o'rtacha 34% metabolitlari ko'rinishida chiqariladi. Gemodializ olayotgan patsiyentlarda 3-soatlik infuziya ko'rinishida tana yuzasining maydoniga 135 mg/m3 dozada paklitaksel yuborilganda, uning farmakokinetikasini parametrlari, dializli davolash olmayotgan patsiyentlardagi shundaylar bilan solishtirarli bo'lgan.
