Foydalanish uchun ko'rsatmalar
Ushbu dori vositasi magniy saqlaydi, quyidagi alomatlar organizmda magniy tanqisligidan dalolat berishi mumkin:
asabiylik, serjahllik, sust bezovtalik, o'tkinchi toliqish, uyquni biroz buzilishlari,
bezovtalikning me'da-ichak spazmlari, yurakni tez urishi (sog'lom yurakda) shaklida namoyon bo'lishi,
mushak tortishishlari, sanchiqlarni his qilish.
Magniyni buyurilishi ushbu simptomlarni bartaraf etishga yordam berishi mumkin.
Agar bir oy davolangandan keyin yaxshilanish kuzatilmasa, ushbu preparat bilan monoterapiyani davom ettirish maqsadga muvofiq emas.
Qo'llash mumkin bo'lmagan holatlar
Preparatni qo'llashga qarshi ko'rsatmalar bo'lib, uning komponentlariga yuqori sezuvchanlik, shuningdek yaqqol buyrak yetishmovchiligi (KK minutiga 30 ml dan kam), gipermagniyemiya, 6 yoshgacha bo'lgan bolalar hisoblanadi.
Ehtiyotkorlik bilan: buyrak faoliyatining o'rtacha yetishmovchiligida, chunki gipermagniyemiyani rivojlanish xavfi bo'ladi.
Farmakodinamikasi
Fiziologik aspektlari:
Magniy asosan hujayra ichidagi kation hisoblanadi. U neyronlar qo'zg'aluvchanligini va asabiy qo'zg'aluvchanlikning neyromushak uzatilishini pasaytiradi, ko'pgina fermentativ jarayonlarda qatnashadi.
Magniy a'zo va to'qimalarning muhim elementi hisoblanadi: suyak to'qimalarida inson organizmidagi magniyning umumiy miqdorining yarmi mavjud.
Klinik aspektlari:
Zardobdagi magniy darajasi:
12 va 17 mg/l o'rtasida (1-1,4 mEkv/l yoki 0,5-0,7 mmolь/l): magniyning o'rtacha tanqisligiga ishora qiladi;
12 mg/l dan past (1 mEkv/l yoki 0,5 mmolь/l): magniyning og'ir tanqisligiga ishora qiladi.
Tanqislik quyidagicha bo'lishi mumkin:
birlamchi, magniy metabolizmining tug'ma anomaliyasi tufayli,
ikkilamchi, quyidagilar tufayli:
organizmga adekvat tushmasligi (to'yib ovqatlanmaslikning og'ir shakli, alkogolizm, to'liq parenteral oziqlanish),
me'da-ichak so'rilishidagi buzilishlar (surunkali ich ketishi, me'da-ichak teshigi, gipoparatiroidizm),
buyrak darajasidagi ortiqcha yo'qotishlar (kanalchalarning kasalligi, sezilarli poliuriya, diuretiklarni suiste'mol qilish, surunkali piyelonefrit, birlamchi giperalьdosteronizm, sisplatin bilan davolash).
Piridoksin (V6 vitamini) ko'plab metabolik jarayonlarda, nerv tizimi metabolizmini tartibga solishda qatnashadi. V6 vitamini MIYdan magniy so'rilishini va uning hujayralarga o'tishini yaxshilaydi.
Tarkibida magniy sitrati va V6 vitamini bo'lgan majmuaviy preparatni qo'llash quyidagi ma'lumotlar bilan asoslangan:
V6 vitamini va magniy bir-birining farmakologik ta'sirini to'ldiradi;
V6 vitamini plazma va eritrotsitlardagi magniy miqdorini oshiradi va organizmdan chiqariladigan magniy miqdorini kamaytiradi;
V6 vitamini MIYdan magniyni so'rilishini va uning hujayralarga o'tishini yaxshilaydi;
magniy piridoksinning jigarda piridoksalь-5-fosfat faol metabolitiga aylanish jarayonini faollashtiradi;
V6 vitamini hujayra ichidagi magniy miqdorini oshishiga yordamlashadi.
Magvit tarkibiga kiruvchi suvda eriydigan magniy organik tuzi (magniy sitrati) yaxshi so'riladi, piridoksin esa magniyni so'rilishini va uning hujayralarga borishini yanada ko'proq oshiradi.
Farmakologik ta'sir
So'rilishi va taqsimlanishi
MIYdan qabul qilinganidan so'ng magniyning taxminan 50% absortsiyalanadi. Organizmda magniy asosan hujayra ichi hududida (taxminan 99%) taqsimlanadi, ularning taxminan 2/3 qismi suyak to'qimasiga, uchdan bir qismi esa silliq va ko'ndalang-targ'il mushak to'qimasiga taqsimlanadi.
Piridoksin ingichka ichakda so'riladi, qon oqimi bilan to'qimalarga boradi va hujayralarga o'tgan holda ATF va piridoksalьkinazalar ishtirokida fosforlanadi.
Chiqarilishi
Siydik chiqarish tizimi magniy chiqarilishining asosiy yo'li hisoblanadi. Plazmadagi magniyning 70% tugunli filьtratsiyaga uchraydi, keyin uning 95-97% buyrak kanalchalarida reabsorbtsiyalanadi. Siydikdagi magniy ichga qabul qilingan magniyning o'rtacha uchdan birini tashkil etadi.
Siydik bilan chiqadigan 4-piridoksil kislotasi piridoksin katabolizmining asosiy mahsuloti hisoblanadi.
Homiladorlik va laktatsiya davrida
Homiladorlik davrida preparatni faqat ko'rsatmalar bo'yicha va shifokorning nazorati ostida qo'llash mumkin.
Preparatni emizish davrida qo'llash tavsiya qilinmaydi. Magniy ko'krak suti bilan chiqariladi.
