Foydalanish uchun ko'rsatmalar
Yengildan to o‘rtacha og‘irlik darajasigacha bo‘lgan o‘tkir og‘riqlarni qisqa muddatli davolash.
Qo'llash mumkin bo'lmagan holatlar
Lornoksikamga yoki preparatning komponentlaridan biriga ma'lum bo‘lgan yuqori sezuvchanlik/allergiya;
bronxial astma, burun yoki burun oldi bo‘shliqlarining qaytalanuvchi polipozi va atsetilsalitsil kislotasini va boshqa NYaQP o‘zlashtiraolmaslikni to‘liq yoki noto‘liq birga qo‘shilib kelishi (shu jumladan anamnezdagi);
trombotsitopeniya;
gemorragik diatez yoki qon ivishini buzilishlari, shuningdek qon ketishi yoki noto‘liq gemostaz xavfi bo‘lgan operatsiyalarni o‘tkazganlar;
aortakoronar shuntlash o‘tkazilganidan keyingi davr;
me'da va 12-barmoq ichakning shilliq qavatini eroziv-yarali shikastlanishlari, me'da-ichakdan faol qon ketishlar, serebrovaskulyar yoki boshqa qon ketishlar;
me'daning qaytalanuvchi yarasi yoki me'da-ichak yo‘llari (MIY) dan takroriy qon ketishlar;
ilgari NYaQP qabul qilish bilan bog‘liq MIY dan qon ketishlar to‘g‘risida ma'lumotlar;
ichakning zo‘rayish bosqichidagi yallig‘lanish kasalliklari (Kron kasalligi, nospetsifik yarali kolit);
dekompensatsiyalangan yurak yetishmovchiligi;
jigar yetishmovchiligi yoki jigarning faol kasalligi;
yaqqol buyrak yetishmovchiligi (zardob kreatininining darajasi 300 mkmolь/l dan ko‘proq), buyrakning rivojlanib boruvchi kasalliklari, tasdiqlangan giperkaliyemiya, gipovolemiya yoki suvsizlanish;
homiladorlik, emizish davri;
18 yoshgacha bo‘lgan bolalar, bu yosh guruhida uni qo‘llash bo‘yicha klinik ma'lumotlarning yo‘qligi tufayli qo‘llash mumkin emas.
Ehtiyotkorlik bilan
Preparatning ultserogen ta'sir xavfi proton pompasining ingibitorlari va prostaglandinlarning sintetik analoglarini bir vaqtda buyurilishini kamaytirish imkonini beradi. MIY dan qon ketishlari yuz berganida preparatni qabul qilishni darhol to‘xtatish va tegishli shoshilinch choralarni ko‘rish kerak. Ayniqsa Ksefokam preparati bilan davolash kursini birinchi marta olayotgan, me'da-ichak yo‘llarining patologiyasi bo‘lgan bemorlarning holatini diqqat bilan kuzatish kerak.
Boshqa oksikamlar kabi, Ksefokam preparati ham trombotsitlar agregatsiyasini susaytirishi mumkin, shuning uchun qon ketishlari xavfini oshirishi mumkin. Bu preparat qo‘llanganida qon ivish tizimini mutloq normal faoliyat ko‘rsatishiga muhtoj (jarrohlik aralashuvi o‘tkazilishi kerak bo‘lgan bemorlar), qon ivishi tizimining buzilishlari bo‘lgan yoki qon ivishini susaytiruvchi dori vositalarni (shu jumladan geparinni past dozalarda) olayotgan bemorlarning holatini, qon ketishlarining belgilarini o‘z vaqtida aniqlash uchun, diqqat bilan kuzatish kerak. Jigarni shikastlanish belgilari (terini qichishishi, teri qoplamalarini sarg‘ayishi, ko‘ngil aynishi, qusish, qorinda og‘riq, siydik rangini to‘qlashishi, jigar transaminazalari faolligini oshishi) paydo bo‘lganida, preparatni qabul qilishni to‘xtatish va davolovchi shifokorga murojaat qilish kerak. Preparatni boshqa NYaQP bilan qo‘llash mumkin emas. Preparat trombotsitlarning xususiyatlarini o‘zgartirishi mumkin, biroq yurak qon-tomir kasalliklarida atsetilsalitsil kislotasining profilaktik ta'sirini o‘rnini bosmaydi. Katta qon yo‘qotilishi yoki og‘ir suvsizlanish oqibatidagi buyraklar faoliyatini buzilishlari bo‘lgan bemorlarga Ksefokamni, prostaglandinlar sintezini ingibitori sifatida, faqat buyraklarning perfuziyasini kamayish xavfi bartaraf qilinganidan keyingina buyurish mumkin. Boshqa NYaQP kabi, Ksefokam ham qonda mochevina va kreatininning kontsentratsiyasini oshishini, shuningdek suv va natriyni tutilishini, periferik shishlarni, arterial gipertenziyani va nefropatiyaning boshqa birinchi belgilarini chaqirishi mumkin. Bunday bemorlarni Ksefokam preparati bilan uzoq muddatli davolash quyidagi oqibatlarga: glomerulonefrit, papillyar nekroz va o‘tkir buyrak yetishmovchiligiga o‘tuvchi nefrotik sindromiga olib kelishi mumkin. Buyraklar faoliyatini yaqqol pasayishi bo‘lgan bemorlarga Ksefokam preparatini buyurish mumkin emas («Qo‘llash mumkin bo‘lmagan holatlar» bo‘limiga qarang). Keksa bemorlarda, shuningdek arterial gipertenziya va/yoki semiz patsiyentlarda arterial bosim darajasini nazorat qilish kerak.
Keksa bemorlarda, shuningdek:
-bir vaqtda diuretiklarni olayotgan;
-bir vaqtda buyraklarning shikastlanishini chaqirishi mumkin bo‘lgan dorilarni olayotgan patsiyentlarda, buyraklar faoliyatining monitoringini o‘tkazish ayniqsa muhimdir.
Ksefokam preparati uzoq muddat qo‘llanganida gematologik parametrlarni, shuningdek buyraklar va jigar faoliyatini vaqti-vaqti bilan nazorat qilish kerak.
Preparatni qo‘llash ayollarning fertilligiga salbiy ta'sir qilishi mumkin va shuning uchun homiladorlikni rejalashtirayotgan ayollarga tavsiya qilinmaydi.
Preparatni qabul qilayotgan patsiyentlar yuqori diqqatni, tezkor ruhiy va harakat reaktsiyalarini talab qiladigan harakat turlaridan, alkogolni iste'mol qilishdan saqlanishlari kerak.
Tarkibi
Liofilizat
1 flakon qo‘yidigilarni saqlaydi:
faol modda: 8,00 mg lornoksikam;
yordamchi moddalar100,0 mg mannitol Ye-421, 12,00 mg trometamol, 0,20 mg dinatriy
Farmakodinamikasi
Yaqqol og‘riqni qoldiruvchi va yallig‘lanishga qarshi ta'sir ko‘rsatadi.
Lornoksikam murakkab ta'sir mexanizmiga ega bo‘lib, uning asosida siklooksigeneza izofermentlarining faolligini susaytirishi bilan bog‘liq bo‘lgan prostaglandinlarning sintezini bostirilishi yotadi.
Siklooksigenazani ingibitsiya qilinishi periferiyadagi og‘riq retseptorlarini desensibilizatsiyasiga, yallig‘lanishni ingibitsiyasiga olib boradi. Bundan tashqari, lornoksikam faollashtirilgan leykotsitlardan kislorodning erkin radikallarini ajralib chiqishini susaytiradi.
Lornoksikamning analьgetik samarasi markaziy nerv tizimi (MNT) ga opiatsimon ta'siri bilan bog‘liq emas, va narkotik analьgetiklardan farqli ravishda lornoksikam nafasni susaytirmaydi, doriga qaramlik chaqirmaydi.
Lornoksikam hayotiy ko‘rsatkichlar: tana harorati, nafas olishlar tez-tezligi, yurak qisqarishlari soni, qon bosimi, EKG ko‘rsatkichlari, spirometriyaga ta'sir qilmaydi.
Farmakologik ta'sir
Lornoksikamning plazmadagi maksimal kontsentratsiyasiga mushak ichiga yuborilganda taxminan 0,4 soatdan keyin erishiladi. Mutloq biokiraolishligi («kontsentratsiya-vaqt egri chizig‘i ostidagi maydon» ko‘rsatkichining kattaligi asosida hisoblanganda) mushak ichiga yuborilganidan keyin 97% ni tashkil qiladi. Yarim chiqarilish davri o‘rtacha 3-4 soatga teng. Lornoksikam plazmada o‘zgarmagan holda, shuningdek, farmakologik faollikka ega bo‘lmagan gidroksillangan metaboliti shaklida bo‘ladi. Plazma oqsillari bilan bog‘lanish darajasi 99% ni tashkil qiladi va kontsentratsiyaga bog‘liq emas. Lornoksikam to‘liq metabolizmga uchraydi, taxminan 1/3 kismi organizmdan buyraklar orqali va 2/3 qismi esa — o‘t-safro bilan chiqariladi. Keksalarda va jigar yoki buyraklar faoliyatini buzilishlari bo‘lgan patsiyentlarda lornoksikamning kinetikasini sezilarli o‘zgarishlari aniqlanmagan.
Homiladorlik va laktatsiya davrida
Ksefokam preparatini homiladorlik va emizish davrida qo‘llash bo‘yicha ma'lumotlarning yo‘qligi tufayli, preparatni qo‘llash mumkin emas. Prostaglandinlar sintezini susayishi homiladorlikka va/yoki homilani rivojlanishiga nojo‘ya ta'sir ko‘rsatishi mumkin. Homiladorlikning erta muddatlarida prostaglandinlar sintezining ingibitorlarini qo‘llanilishi homila tushishi yoki yurak nuqsonini rivojlanish xavfini oshiradi. Xavf doza va davolash davomiyligiga proportsional hisoblaanadi.
Homiladorlikning uchinchi uch oyligida prostaglandinlar sintezining ingibitorlarini buyurilishi homilaning yuragiga va o‘pkasiga toksik ta'sir ko‘rsatishi (muddatidan oldin yopiq arterial qon ketishi va upka gipertenziyasini rivojlanishi), shuningdek buyraklar funktsiyasini buzilishi, va shunday qilib, amniotik suyuqlikni kamayishiga olib kelishi mumkin. Homiladorlikning oxirgi muddatlarda qo‘llanilishi ona va bolada qon ketishi vaqtini uzayishini, shuningdek tug‘ruq vaqtini qisqartiruvchi yoki uzaytiruvchi bachadon qisqarish faolligini kamayishini chaqirishi mumkin.
