Foydalanish uchun ko'rsatmalar
Bakterial vaginozda ko'llanadi.
Qo'llash mumkin bo'lmagan holatlar
klindamisin, linkomisinga yoki yordamchi moddalardan istalgan biriga o'ta yuqori sezuvchanlik;
- anamnezida antibiotik bilan bog'liq kolit bo'lgan pasientlarda;
- 18 yoshgacha pasientlar (xavfsizligi, samaradorligiga doir ma'lumotlar mavjud emas) da qo'llash mumkin emas.
Tarkibi
1 g krem quyidagilarni saqlaydi:
faol modda: klindamisin fosfat, 100% moddaga qayta hisoblanganda – 20 mg;
yordamchi moddalar: natriy benzoat, propilenglikol, makrogol - 1500, emulgator em 3398, kanakunjut moyi.
Farmakodinamikasi
Klindamisin fosfat faol emas in vitro, biroq antibakterial faollikka ega klindamisin paydo bo'lishi bilan in vivo tez gidrolizlanadi. Klindamisin antibiotiklar-linkozamidlar guruhiga tegishli bo'lib, u 50S sub-birligining ribos bilan o'zaro ta'siri hisobiga mikrob hujayrasida oqsillar sintezini susaytiradi va translyasiya jarayoniga ta'sir etadi. Klindamisin oqsil sintezining aksariyat ingibitorlari kabi, asosan, samaradorligi organizmni infektsiyalovchi minimal bostiruvchi kontsentrasiyaga nisbatan yuqoriroq darajadagi faol modda kontsentrasiyasining davomiyligi bilan bog'liq bo'lgan bakteriostatik hisoblanadi. Klindamisinga rezistentlik aksariyat holatlarda, odatda, RNK azotli asoslari yoki RNK nuqtali mutasiyalari yoki ba'zan oqsillar mutasiyalarining kimyoviy modifikasiyasi orqali ribos bilan maqsadli sohalar modifikasiyalari tufayli paydo bo'ladi. In vitro sharoitlarida ayrim organizmlarda linkozamidlar, makrolidlar va V streptograminlari o'rtasida kesishgan rezistentlik namoyish etilgan. Klindamisin va linkomisin o'rtasida kesishgan rezistentlik mavjud. In vitro sharoitlarida klindamisinga bakterial vaginozlarni chaqiradigan quyidagi mikroorganizmlar sezuvchan: Gardnerella vaginalis, Mobiluncus spp., Mycoplasma hominis, Bacteroides spp., Peptostreptococcus spp. Bakterial vaginoz tashxisini qo'yish va davolashga yo'naltirish uchun, odatda, mikroorganizmlar va bakteriyalar sezuvchanligiga doir tekshiruvlar o'tkazilmaydi. Bakterial vaginozning potentsial patogenlari (Gardnerella vaginalis, Mobiluncus spp.) sezuvchanligini baholash uchun standart metodologiyalar mavjud emas. Bacteroides spp. va gram-musbat anaerob kokklar, shuningdek Mycoplasma spp. sezuvchanligini aniqlash usullari klinik va laboratoriya standartlari instituti (Clinical and Laboratory Standards Institute (CLSI)) tomonidan ta'riflangan hamda gram-manfiy va gram-musbat anaerob bakteriyalarning klindamisinga sezuvchanligi chegaraviy miqdorlari Evropa mikrobga qarshi preparatlarga sezuvchanlikni aniqlash qo'mitasi (European Committee on Antimicrobial Susceptibility Testing - EUCAST) tomonidan e'lon qilingan. Tahlil natijasida klindamisinga sezuvchan, biroq eritromisinga rezistent bo'lib chiqqan klinik izolyatlar uchun D-testdan foydalanilgan holda klindamisinga rezistentlikni aniqlash uchun ham tahlil o'tkizilishi kerak. Shunga qaramay, chegaraviy miqdorlar mahalliy davolashdan ko'ra ko'proq antibiotiklar bilan tizimli davolash yo'nalishini belgilash uchun mo'ljallangan.
Farmakologik ta'sir
Klindamisin intravaginal 7 kun davomida sutkada 100 mg dozada bir marta (2% klindamisin fosfat kremi shaklida) qo'llanilganidan so'ng zardob kontsentrasiyasi dori yuborilganidan so'ng taxminan 10 soatdan (4-24 soat) keyin maksimumga etadi va birinchi kunda o'rtacha 18 ng/ml (4-47 ng/ml), ettinchi kunda esa – 25 ng/ml (6-61 ng/ml) ni tashkil etadi, bunda muntazam absorbtsiya yuborilgan dozaning taxminan 4 foizini (0,6-11%) tashkil etadi. Bakterial vaginozlar bo'lgan ayollarda xuddi shunday dozalash rejimida taxminan 4% klindamisin so'riladi (kam tarqalish bilan 2-8%), zardob kontsentrasiyasi dori yuborilganidan so'ng taxminan 14 soatdan (4-24 soat) keyin maksimumga etadi va birinchi kunda o'rtacha 13 ng/ml (6-34 ng/ml), ettinchi kunda esa – 16 ng/ml (7-26 ng/ml) ni tashkil etadi. Klindamisin intravaginal yuborilganida uning tizimli ta'siri ichga yoki vena ichiga yuborilgandagi tizimli ta'sirga nisbatan kuchsizroq bo'ladi. Klindamisin takroriy dozalari intravaginal yuborilganidan so'ng qonda deyarli to'planmaydi.
Yarim chiqarilish tizimli davri 1,5-2,6 soatni tashkil etadi
Homiladorlik va laktatsiya davrida
Homiladorlik
Homiladorlikning I uch oyligida preparat qo'llanilishiga doir mos nazoratli tadqiqotlar o'tkazilmagan, shu tufayli Klindasin vaginal kremi homiladorlikning I uch oyligida ayollarga faqat mutlaq ko'rsatkichlar asosida, ya'ni ona uchun preparat bilan terapiyaning potentsial foydasi homila uchun potentsial xavfdan yuqori bo'lgan holatda buyurilishi mumkin.
Hayvonlarda o'tkazilgan tadqiqotlarda klindamisin teri ostiga yoki ichga yuborilganida homilaga biron-bir salbiy ta'sir aniqlanmagan, preparat ona uchun toksik dozalarda qabul qilingan holatlar bundan mustasno.
Homiladorlikning II va III uch oyligida klindamisin intravaginal qo'llanilganida homilaning tug'ma anomaliyalari takrorlanish tezligi oshishi qayd etilmagan. 1,1% ayollarda, 0,5% plasebo guruhiga nisbatan, anomal tug'ilishlar homiladorlikning II uch oyligida 7 kun davomida klindamisin vaginal qo'llanilganida qayd etilgan. Ona uchun potentsial foyda homila uchun xavfdan yuqori bo'lgan holatda, homiladorlikning II-III uch oyligida preparat qo'llanilishi mumkin.
Ko'krakdan emizish davrida qo'llanilishi
Klindamisin intravaginal qo'llanilganidan so'ng ko'krak sutidan chiqarilishi ma'lum emas. Klindamisin muntazam qo'llanilganidan so'ng ko'krak sutida <0,5 - 3,8 mkg/ml kontsentrasiyada aniqlangan. Klindamisin ko'krakdan emizilayotgan chaqaloqlarda diareya yoki axlatda qon yoxud toshma kabi me'da-ichak yo'li mikroflorasiga noxush ta'sirlar ko'rsatish potentsial qobiliyatiga ega. Agar emizuvchi onaga klindamisinning peroral yoki vena ichiga qo'llanilishi talab qilinsa, bu ko'krakdan emizishni to'xtatish uchun sabab bo'lmaydi, biroq muqobil dori preparatiga afzallik berilishi mumkin. Ko'krakdan emizishning bola rivojlanishi va sog'lig'i uchun foydasi, shuningdek onada klindamisin qo'llanilishining klinik zaruriyati va ko'krakdan emizilayotgan bola uchun klindamisin yoki onaning asosiy kasalligi bilan bog'liq har qanday potentsial noxush ta'sirlar hisobga olinishi kerak.
