Foydalanish uchun ko'rsatmalar
Quyidagilarni majmuaviy davolashda qo‘llanadi:
- o‘tkir miokard infarkti;
- surunkali yurak yetishmovchiligi;
- intraoperatsion miokard ishemiyasi;
- qo‘l-oyoqlarning intraoperatsion ishemiyasi;
- o‘tkir insult;
- sport tibbiyotida: jismoniy zo‘riqish sindromini rivojlanishini oldini olish va ekstremal jismoniy yuklamalarga moslashishini yaxshilash uchun qo‘llaniladi.
Qo'llash mumkin bo'lmagan holatlar
- Preparatga yuqori sezuvchanlik.
- 18 yoshgacha bo‘lgan bolalar.
Tarkibi
faol modda:
Kreatin fosfatning natriyli tuzi – 1,0 g
yordamchi moddalar:
Sorbitol – 10,0 g
Natriy xloridi – 0,45 g
Natriy gidrofosfat – 0,1 g
In’eksiya uchun suv - 50 ml gacha
Farmakodinamikasi
Foskardin - miokard va mushak to‘qimasining metabolizmini yaxshilovchi preparatdir. Kimyoviy tuzilishi bo‘yicha endogen makroergik fosfokreatinga o‘xshash. Ishemiyaga uchragan kardiomiotsitlar va miotsitlarning sarkolemmasini destruksiya jarayoniga to‘sqinlik qiladi, hujayra ichiga energiya tashilishini ta’minlaydi. Mikrotsirkulyatsiyani yaxshilashi hisobiga preparat nekroz va ishemiya sohasining o‘lchamlarini kamaytiradi. Ishemiyada va postishemik reperfuziyada antiaritmik samara ko‘rsatadi, bu qorinchalarning ektopik faolligini kamayishi va Purkine tolalari hujayralarining fiziologik faoliyatini saqlanishi bilan bog‘lik
Farmakologik ta'sir
Taqsimlanishi: Vena ichiga bir martalik infuziyada preparatning qon plazmasidagi maksimal konsentratsiyasi 1-3 minut o‘tgach aniqlanadi. Preparatning eng ko‘p miqdori skelet mushaklarida, miokardda va miyada to‘planadi. Jigar va o‘pka to‘qimasida preparatni to‘planishi juda oz.
Chiqarilishi: Tez fazadagi yarim chiqarilish davri 30-35 minutni tashkil etadi; sekin fazadagi yarim chiqarilish davri bir necha soatni tashkil etadi. Buyraklar orqali chiqariladi.
Nojo'ya ta'sirlar
18 yoshdan kichik bolalarda preparatni qo‘llash to‘g‘risida ma’lumotlar yo‘q.
Bolalarda qo'llash
18 yoshdan kichik bolalarda preparatni qo‘llash to‘g‘risida ma’lumotlar yo‘q.
Homiladorlik va laktatsiya davrida
Homiladorlik va laktatsiya davrida preparatni xavfsizligi va samaradorligi haqida ma’lumot yo‘q. Shunga qaramasdan, fosfokreatinni hayvonlarning reproduktiv xarakteristikalari va ona qornida rivojlanishiga toksik ta’sir ko‘rsatmasligi ma’lum. Agar ona uchun foyda homila uchun potensial xavfdan yuqori bo‘lsa, preparatni homiladorlik davrida qo‘llash mumkin. Emizish davrida preparatni qo‘llash zarurati bo‘lgan holda emizishni to‘xtatish kerak.
