Foydalanish uchun ko'rsatmalar
Jinsiy aloqadan qoniqish uchun etarli bo'lgan, jinsiy olatni erektsiyasiga erishish yoki o'sha holatda ushlab turish yo'qligi bilan xarakterlanadigan buzilishlarini davolashda qo'llaniladi.
Sildenafil faqat jinsiy rag'batlantirish bo'lgandagina samaralidir
Qo'llash mumkin bo'lmagan holatlar
Sizga buyurilgandan ko'ra yuqoriroq doza qabul qilinganda zudlik bilan shifokorga murojaat qiling!
Sildenafilni bir marta 800 mg dozagacha qabul qilinishida nohush holatlar preparatni kamroq dozada qabul qilinishidagidek kuzatilgan, ammo ularning uchrash soni tezroq bo'lgan. Sildenafilni 200 mg dozada qabul qilinishi dorining samaradorligi oshishiga olib kelmagan, lekin bosh og'rishi, "qizib ketishlar", bosh aylanishi, dispepsiya, burunning bitishi, ko'rishning buzilishi kabi nojo'ya ta'sirlar uchrash soni oshgan.
Davolash simptomatik. Gemodializ sildenafil klirensini tezlashtirmaydi, chunki u plazma oqsillari bilan faol bog'lanadi va buyraklar orqali chiqarilmaydi.
Tarkibi
bitta tabletka quyidagilarni saqlaydi:
faol modda: 50 va 100 mg sildenafilga ekvivalent bo'lgan sildenafil tsitrati;
yordamchi moddalar: kaltsiy gidrogen fosfati, mikrokristall tsellyuloza, laktoza monogidrati, polivinilpirollidon K-30, krospovidon, magniy stearati, natriy kroskarmellozasi;
qobiq tarkibi: gipromelloza, talk, propilenglikol, titan dioksidi, makrogol, brilliant ko'ki bo'yovchisi.
Farmakodinamikasi
Sildenafil spesifik fosfodiesterazaning 5-turi (FDE5) – tsikloguanozinmonofosfat (sGMF)ning-kuchli selektiv ingibitoridir.
Ta'sir mexanizmi
Jinsiy rag'batlantirish vaqtida erektsiyaning fiziologik mexanizmini amalga oshishi g'ovakli tanada azot oksidi (NO) ning ajralib chiqishi bilan bog'liq. Bu, o'z navbatida, sGMF darajasining oshishiga, keyinchalik g'ovak tana silliq mushaklarining bo'shashishi va qon oqimining kuchayishiga olib keladi. Sildenafil insonning g'ovak tanasiga alohida bevosita bo'shashtiruvchi ta'sir ko'rsatmaydi, lekin sGMF ning parchalanishiga ma'sul bo'lgan FDE5 ni ingibitsiya qilishi orqali azot oksidi (NO) samarasini oshiradi.
Sildenafil in vitro sharoitida o'tkazilgan tadqiqotlarda FDE5 ga nisbatan selektiv ta'sir qiladi, uning FDE5 ga nisbatan faolligi fosfodiestrazaning boshka ma'lum bo'lgan izofermentlariga nisbatan ustunlik kiladi: FDE6 dan 10 marta, FDE1 dan 80 marta ortiqroq; FDE2, FDE4, FDE7-FDE11 dan – 700 marta ortiqroq. Sildenafil FDE3 dan ko'ra FDE5 ga nisbatan 4000 marta tez-tez roq selektiv ta'sir ko'rsatadi, bu esa juda muhim ahamiyatga ega, chunki FDE3 miokard qisqaruvchanligini boshqaruvchi asosiy fermentlaridan biri bo'lib hisoblanadi.
Sildenafilning samaradorligi – jinsiy rag'batlanish hisoblanadi. Sildenafil jinsiy rag'batlantirish sharoitida jinsiy olatining g'ovak tanalariga qon oqimini oshirish hisobiga buzilgan eriktil funktsiyani tiklaydi.
Kardiologik tadqiqotlar
Sog'lom qo'ngillilarda sildenafilni 100 mg dozada qo'llanilishi EKG da klinik ahamiyatli o'zgarishlarga olib kelmagan. Yotgan holatda sildenafilni 100 mg miqdorda qabul qilinishi sistolik bosimning maksimal pasayishi 8,3 mm.sim.ust. ni, diastolik bosimning pasayishi 5,3 mm.sim.ust. ni tashkil qilgan. Nitratlarni qabul qilgan pasientlarda arterial bosim (AB) ga nisbatan yaqqolroq ifodalangan qaytuvchi samara qayd etilgan ("qo'llash mumkin bo'magan holatlar" va "dorilarning o'zaro ta'siri" bo'limlariga qaralsin). Yurak ishemik kasalligining (YUIK) og'ir darajasi mavjud 14 ta pasientda (70% dan ortiq pasientlarda kamida 1 ta koronar arteriyaning stenozi kuzatilgan) sildenafilni 100 mg ga teng bir martalik dozasini qo'llagan holda uning gemodinamik samarasi tekshirilganda sistolik va diastolik bosim tinch holatda mos ravishda 7 va 6% ga, o'pka sistolik bosimi esa 9% ga kamaygan. Sildenafil yurak otishiga ta'sir qilmagan va stenozga uchragan koronar arteriyalarda qon oqimini buzmagan, shuningdek u ham stenozga uchragan, ham intakt koronar arteriyalarda adenozin tomonidan induktsiyalangan koronar oqimning taxminan 13% oshishiga olib kelgan.
Ikki tomonlama yashirin plasebo nazoratli tadqiqotda antianginal dorilarni (nitratlardan tashqari) qabul qilayotgan erektil disfunktsiyasi va barqaror stenokardiyasi bo'lgan 114 ta pasient stenokardiya belgilarining ifodalanishi kamayguncha jismoniy mashqlar bajarishgan. Mashqlar bajarilishi davomiyligi sildenafilning 100 mg ga teng bir martalik dozasini qabul qilgan pasientlarda, plasebo qabul qilgan pasientlarga nisbatan, ishonchli ko'proq bo'lgan (19,9 sek.; 0,9-38,9 sek).
Randemizasiya qilingan ikki tomonlama yashirin plasebo nazoratli tadqiqotda erektil disfunktsiya va arterial gipertenziyaga chalingan, hamda arterial gipertenziyaga qarshi 2 tadan ko'proq preparatni qabul qiluvchi erkaklarda (n=568) sildenafilning o'zgaruvchan dozasini (100 mg gacha) samarasi o'rganilgan. Sildenafil plasebo guruhi erkaklariga nisbatan (18%) 71% erkaklarda erektsiyani yaxshilagan. Nojo'ya ta'sirlar uchrash tezligi uchtadan ko'proq antigipertenziv preparatlarni qabul qilayotgan pasientlar guruhi bilan solishtirish mumkin bo'lgan.
Ko'rish buzilishlarini tadqiqotlari
Sildenafilni 100 mg dozada qabul qilgan pasientlarning ayrimlarida dori ichilgandan keyin 1 soat o'tgach, Farnsvort-Munsel 100 testi yordamida ranglar tusini (ko'k/yashil) farqlash qobiliyatining vaqtincha va engil buzilishi aniqlangan. Preparat qabul qilinganidan keyin 2 soat o'tgach, bu o'zgarishlar yo'q bo'lgan. Rangli ko'rishning buzilishi nurni ko'z pardasiga o'tkazilishi jarayonida ishtirok etuvchi FDE6 ning ingibitsiya qilinishi bilan chaqiriladi deb hisoblanadi. Sildenafil ko'rish o'tkirligiga, keskin farqni anglashga, elektroretinogrammaga, ko'z ichki bosimi yoki qorachiq diametriga ta'sir qilmagan.
Isbotlangan erta yoshdagi makulyar degenerasiyali pasientlarning (n=9) plasebo nazoratli kesishgan tadqiqotda sildenafilning 100 mg li bir martali dozasi yaxshi o'zlashtirilgan. Bunda maxsus vizual testlar (ko'rish o'tkirligi, Armsler panjarasi, ranglarni anglash, rang o'tib borishini modellashtirish, Xemfri perimetri va fotostress) yordamida baholanuvchi ko'rishning klinik ahamiyatga ega bo'lgan hech qanday o'zgarishlari aniqlanmagan.
Samaradorligi
Sildenafilning samaradorligi va xavfsizligi 6 oygacha davom etgan randomizasiya qilingan, ikki tomonli yashirin, plasebo nazoratli 21 ta tekshiruvda turli etiologiyali (organik, ruhiy yoki aralash) erektil disfunktsiyasi bo'lgan, yoshi 19 dan 87 gacha 3000 ta pasientlarda baholangan.
Qoniqarli jinsiy aloqa uchun etarli bo'lgan erektsiyaga erishish va uni ushlab turish qobiliyati sifatida belgilangan sildenafilning samaradorligi barcha o'tkazilgan tadqiqotlarda ko'rsatilgan va davomiyligi 1 yilgacha bo'lgan uzoq muddatli tekshiruvlarda tasdiqlangan. Cheklangan dozada qo'llanilishi bilan o'tkazilgan tadqiqotlarda davolash erektsiyasini yaxshilaganligi haqida xabar bergan pasientlar nisbati: 62% (sildenafil dozasi 25 mg), 74% (sildenafil dozasi 50 mg) va 82% (sildenafil dozasi 100 mg) ni tashkil qilgan, plasebo guruhida bu ko'rsatkich 25% ga teng bo'lgan. Erektil funktsiyaning xalqaro indeksi tahlili shuni ko'rsatdiki, sildenafil bilan davolash erektsiyaning yaxshilanishiga qo'shimcha sifatida orgazm (ehtiros) sifatining oshishiga olib kelib, jinsiy aloqadan qoniqish va umumiy qoniqishga erishish imkonini bergan.
Umumlashtirilgan ma'lumotlarga qaraganda, sildenafil bilan davolashda erektsiya yaxshilanishi haqida xabar bergan pasientlar orasida qandli diabetga chalinganlar 59% ni, radikal prostatektomiyani boshidan o'tkazganlar 43% ni va orqa miya shikastlanishi mavjud bo'lganlar 83% ni tashkil qilgan (plasebo guruhida muvofiq ravishda 16%, 15% va 12% ga teng bo'lgan).
Farmakologik ta'sir
Sildenafilning farmakokinetikasi tavsiya etilgan oraliqda proportsional xususiyatga ega.
So'rilishi
Ichga qabul qilingandan keyin tez so'riladi. Uning absolyut Biokiraolishligi o'rtacha 40% (25-63%) ni tashkil qiladi. In vitro sharoitida o'tkazilgan tadqiqotlarda taxminan 1, 7 ng/ml (3,5 nm) ni tashkil qiluvchi kontsentrasiyada inson FDE5 fermenti faolligini 50% ga bostiradi. Sildenafil 100 mg miqdorda bir marta qabul qilinganidan keyin erkaklar qon plazmasidagi erkin sildenafilning o'rtacha maksimal kontsentrasiyasi (Smax) taxminan 18 ng/ml (38 nm) ni tashkil qiladi. Och qoringa sildenafilning qabul qilinishida Smax ko'rsatkichiga o'rtacha 60 minut (30 min-120 min) davomida erishiladi. Yog'li ovqat bilan birgalikda qabul qilinganda so'rilish tezligi pasayadi: Smax o'rtacha 29% ga kamayadi, maksimal kontsentrasiyaga erishish vaqti (Tmax) 60 minutga oshadi, lekin absorbtsiya darajasi ishonchli o'zgarmaydi (farmakokinetik egri ostidagi "kontsentrasiya-vaqt" maydoni /AUC/ 11% ga kamayadi).
Taqsimlanishi
Muvozanatli holatda sildenafilning taqsimlanish hajmi o'rtacha 105 l ni tashkil qiladi. Sildenafil va uning qonda aylanib yuruvchi asosiy metaboliti – N-demetillangan metabolitining qon plazmasi oqsillari bilan bog'lanish darajasi 96% ni tashkil qiladi va preparatning umumiy kontsentrasiyasiga bog'liq emas. Sildenafil dozasining 0,0002 foizi (o'rtacha 188 ng) dori qabulidan keyin 90 minut o'tgach spermada aniqlangan.
Metabolizmi
Sildenafil asosan jigarda tsitoxrom SUR3A4 izofermenti (asosiy yo'li) va tsitoxrom SUR2S9 (minor yo'li) ta'siri ostida metabolizmga uchraydi. Sildenafilning N-demetillanishi natijasida hosil bo'ladigan aylanib yuruvchi asosiy metaboliti keyingi metabolizmga uchraydi. Ushbu metabolitning FDE ga nisbatan selektiv ta'sir qilishini sildenafil ta'siri bilan solishtirsa bo'ladi, uning FDE5 ga nisbatan faolligi esa in vitro sharoitida sildenafil faolligining 50 %ini tashkil qiladi. Sog'lom qo'ngillilarning qon plazmasidagi metabolit kontsentrasiyasi sildenafil kontsentrasiyasining taxminan 40 %ini tashkil qilgan. N-demetillangan metabolit keyingi metabolizmga uchraydi, uning yarim chiqarilish davri (T½) taxminan 4 soatni tashkil qiladi.
Chiqarilishi
Sildenafilning umumiy klirensi 41 l/soat ni, yakuniy T½ ko'rsatkichi esa 3-5 soatni tashkil qiladi. Ichga qabul qilganda, xuddi vena ichiga yuborilgandagidek, sildenafil metabolitlar ko'rinishida asosan ichak orqali (og'iz orqali qabul qilingan dozaning taxminan 80 %i), kamroq esa buyraklar (og'iz orqali qabul qilingan dozaning taxminan 13 %i) orqali chiqariladi.
Alohida klinik hollardagi farmakokinetikasi
Keksa pasientlar
Sog'lom keksa (65 yoshdan yuqori) pasientlarda sildenafil klirensi pasaygan, qon plazmasidagi erkin sildenafilning kontsentrasiyasi esa, yoshlarga (18-45 yosh) nisbatan, taxminan 40% ga yuqori. Pasientning yoshi nojo'ya ta'sirlar rivojlanishi soniga klinik ahamiyatli ta'sir ko'rsatmaydi.
Buyraklar funktsiyasining buzilishi
Buyrak etishmovchiligining engil (kreatinin klirensi (kk) 50-80 ml/min) va o'rta (kk 30-49 ml/min) og'irlik darajasida sildenafilning 50 mg dozada bir martalik ichga qabul qilinishidan keyingi farmakokinetikasi o'zgarmaydi. Og'ir buyrak etishmovchiligida (kk ≤ 30 ml/min) sildenafilning klirensi pasayadi, bu esa buyrak funktsiyalari me'yoriy bo'lgan shu yosh guruhidagi pasientlarning bir xil bo'lgan ko'rsatkichlariga nisbatan AUC (100%) va Smax ning (88%) taxminan 2 marta oshishiga olib keladi.
Jigar funktsiyasining buzilishi
Jigar tsirrozi bo'lgan pasientlarda (Chayld-Pyu tasnifiga muvofiq A va V sinflar) sildenafilning klirensi pasayadi, bu esa shu yosh guruhidagi jigar funktsiyasi normal pasientlarning ko'rsatkichlariga nisbatan AUC (84%) va Smax ning (47%) oshishiga olib keladi. Jigar funktsiyasining og'ir buzilishlari mavjud pasientlarda (Chayld-Pyu tasnifiga muvofiq S sinf) sildenafilning farmakokinetikasi o'rganilmagan.
Homiladorlik va laktatsiya davrida
Qayd etilgan ko'rsatmaga binoan preparat ayollarga qo'llash uchun mo'ljallanmagan!
