Foydalanish uchun ko'rsatmalar
O‘tkir va surunkali vaginitlarni; endo/ekzotservitsitlarni, shu jumladan bachadon bo‘ynining asoratlangan ektopiyalarini davolash.
Bachadon bo‘ynining spetsifik etiologiyali haqiqiy eroziyalarini davolash (majmuaviy davolash tarkibida).
Akusher va ginekologik infeksion va yaliglanish asoratlarininng oldini olish: ginekologik kasalliklar jarroxlik davolashdan oldin, xomiladorlikning tibbiy uzilishi, intrauterin kontratseptivni o‘rnatishdan avval intrauterin tekshiruvlar (gisteroskopiya, gisterosalpingografiya).
Preparat destruktiv davolash usullaridan (diatermokoagulyatsiyalar, kriodestruksiyalar, lazerodestruksiyalar) keyin, operatsiyadan keyingi, tug‘ruqdan keyingi davrda bachadon bo‘yni va qinni shilliq qavatini regeneratsiyasini yaxshilash uchun qo‘llanadi.
Qo'llash mumkin bo'lmagan holatlar
Preparatning komponentlariga o‘ta yuqori sezuvchanlik.
Tarkibi
Bir suppozitoriy quyidagilarni saqlaydi:
ta’sir etuvchi moddalar: dekspantenol – 100 mg, xlorgeksidin biglyukonati - 16 mg (xlorgeksidin biglyunatini 20% li eritma ko‘rinishida – 85,2 mg);
yordamchi moddalar: makrogollar aralashmasi (makrogol-400 – 2%, makrogol-1500 – 98%).
Farmakodinamikasi
Depantol® - regeneratsiya qiluvchi, antiseptik, metabolik ta’sir ko‘rsatuvchi mahalliy qo‘llash uchun majmuaviy preparatdir. Preparatning tarkibiga kiruvchi xlorgeksidin grammusbat va grammanfiy bakteriyalar: Treponema pallidum, Chlamidia spp., Ureaplasma spp., Neisseria gonorrhoeae, Gardnerella vaginalis, Bacteroides fragilis, Escherichia coli, Staphylococcus sp., Streptococcus spp.; achitqilar, dermatofitlar, sodda hayvonlarga (Trichomonas vaginalis) nisbatan faol. Preparatga Pseudomonas spp., Proteus spp. ning ayrim shtammlari kuchsiz sezgir, shuningdek bakteriyalarning kislotaga chidamli shakllari, bakteriyalarning sporalari chidamli. Preparatning tarkibiga kiruvchi dekspantenol shilliq qavatlarining regeneratsiyasini rag‘batlantiradi, xujayra metabolizmini normallashtiradi, mitozni tezlashtiradi va kollagen tolalarning mustahkamligini oshiradi.
Depantol® laktobatsillalarning funksional faolligini buzmaydi. Qon, yiring bor joyda faolligini (garchi biroz pastroq bo‘lsada) saqlab turadi.
Homiladorlik va laktatsiya davrida
Depantol®ni homiladorlik va laktatsiya davrida qo‘llash mumkin.
