Foydalanish uchun ko'rsatmalar
Baneotsin neomitsinga va (yoki) batsitratsinga sezgir mikroorganizmlar chaqirgan infeksiyalarni davolash uchun ko‘rsatilgan.
Namlanuvchi kontagioz impetigo, oyoqlarning infeksiyalangan trofik yaralari, infeksiyalangan ekzema, bakterial taglik dermatiti, oddiy va o‘rab oluvchi gerpesda, suvchechakda bakterial asoratlar kabi terining tarqalganligi cheklangan bakterial infeksiyalari.
Yangi tug‘ilgan chaqaloqlarda kindik infeksiyasini oldini olish.
Jarroxlik (dermatologik) aralashuvlardan keyin infeksiyalarni oldini olish: Baneotsin kukuni operatsiyadan keyingi davrda (kesishdan, kauterizatsiyadan keyin, terida yorilishlarni, epizitomiya, namlanuvchi yaralar va choklarni davolash uchun) qo‘shimcha davolash uchun qo‘llanishi mumkin.
Qo'llash mumkin bo'lmagan holatlar
Batsitratsinga va (yoki) neomitsinga, aminoglikozid qatorining boshqa antibioktilariga yoki preparatning yordamchi moddalaridan birontasiga o‘ta yuqori sezuvchanlik.
Terining katta sohalarini og‘ir shikastlanishlarida qo‘llashdan saqlanish kerak, chunki preparatni so‘rilishi eshitishni yo‘qolishi bilan kechuvchi ototoksiklikka olib kelishi mumkin.
Yurak yoki buyrak yetishmovchiligi oqibatida ajratuvchi funksiyani yaqqol buzilishlarida va davolashni boshlashdan oldin, agar preparat so‘rilishi mumkin bo‘lsa vestibulyar va (yoki) koxlear tizimni shikastlanishi bo‘lganda qo‘llash mumkin emas.
Quloq pardasini perforatsiyasi bo‘lganda tashqi eshituv yo‘liga qo‘llanilmasin. Preparatni ko‘zlarga surtish mumkin emas.
Tarkibi
1 g kukun quyidagilarni saqlaydi:
faol moddadar: batsitratsin rux – 250 XB; neomitsin sulfati – 5000 XB.
Yordamchi moddalar: sterillangan kukun asosi (2% gacha magniy oksidi saqlovchi makkajo‘xori kraxmali).
Farmakodinamikasi
Baneotsin faqat mahalliy qo‘llash uchun mo‘ljallangan majmuviy antibakterial preparat bo‘lib hisoblanadi.
Baneotsin ikkita antibiotiklar: neomitsin va batsitratsin saqlaydi.
Batsitratsin bakteriyalar xujayra qobig‘ining sintezini ingibitsiya qiluvchi polipeptid antibiotigi bo‘lib hisoblanadi.
Neomitsin bakteriyalar oqsillarining sintezini ingibitsiya qiluvchi aminoglikozid antibiotigi bo‘lib hisoblanadi.
Batsitratsin asosan gemolitik streptokokk, stafilokokk, Clostridium spp., Corynebacterium diphtheriae, Treponema pallidum kabi grammusbat mikroorganizmlarga, shuningdek Neisseria spp. va Haemophilus influenzae kabi grammanfiy mikroorganizmlarga nisbatan faol. Ta’sir doirasiga shuningdek aktinomitsetlar va fuzobakteriyalar kiradi. Batsitratsinga rezistentlik juda kam xollarda kuzatiladi.
Neomitsin stafilokokki, Proteus, Enterobacter aerogenes, Klebsiella pneumoniae, Salmonellae, Shigellae, Haemophilus influenzae, Pasteurella, Neisseria meningitidis, Vibrio cholerae, Bordetella pertussis, Bacillus anthracis, Corynebacterium diphtheriae, Streptococcus faecalis, Listeria monocytogenes, Escherichia coli, Mycobacterium tuberculosis, Borrelia i Leptospira interrogans (L. icterohaemorrhagicae) kabi grammusbat va grammanfiy mikroorganizmlarga nisbatan faol.
Batsitratsin va neomitsinni majmuaviy qo‘llash mikroblarga qarshi keng ta’sir doirasini ta’minlaydi, garchi preparat Pseudomonas, Nocardia spp., zamburug‘lar va viruslarga qarshi faol emas.
Farmakologik ta'sir
Baneotsin ko‘rsatmalar bo‘yicha qo‘llanilganda surtish joyida mahalliy ta’sir ko‘rsatadi. Ammo so‘rilganda neomitsin va batsitratsin uchun qon zardobidan yarim chiqarilish davri taxminan 2-3 soatni tashkil qiladi. Baneotsinning alohida faol moddalari uchun quyidagi farmakokinetik ma’lumotlar xos. Batsitratsin teri va shilliq qavatlar orqali so‘rilmaydi. Shunga qaramasdan ochiq yaralar bo‘lganida so‘rilishini e’tiborga olish kerak. Neomitsin shikastlanmagan teri orqali ahamiyatsiz darajada so‘riladi, ammo u muguz qavati bo‘lmagan teri orqali (yara, jarohat, kuyishlar va boshqalar) va yallig‘langan va jarohatlangan teri orqali tez so‘riladi.
To‘qimalar tomonidan o‘zlashtirilishi yaxshi, biologik mahsulotlar, qon va to‘qima komponentlari tomonidan faolsizlanishi kuzatilmaydi. Agar preparat teri shikastlanishining katta sohalariga surtilsa, preparatni so‘rilishi va uning oqibatlarini e’tiborga olish kerak («Nojo‘ya ta’siri», «Boshqa dori vositalari bilan o‘zaro ta’siri», «Qo‘llash mumkin bo‘lmagan xolatlar» va «Ehtiyotkorlik choralari» bo‘limlariga qarang).
Homiladorlik va laktatsiya davrida
Agar homiladorlik va emizish davrida Baneotsinni so‘rilish xavfi mavjud bo‘lsa, quyidagilarni e’tiborga olish kerak. Boshqa barcha aminoglikozidlar kabi neomitsin yo‘ldosh to‘sig‘idan o‘tadi. Aminoglikozidlarni yuqori dozalarda tizimli qo‘llanilganda homilada eshitish apparatini shikastlanishi kuzatilgan.
Shuning uchun ushbu preparatni faqat, agar homila uchun potensial foyda yuqori bo‘lgandagina qo‘llash kerak.
