AMBRO tabletkalar

Tarkibi

faol moda: ambroksol gidroxloridi 30.0 mg;

yordamchi moddalar: laktoza monogidrati, mikrokristallik tsellyuloza, prejelatinlangan kraxmali, kolloidli suvsiz kremniy dioksidi (aerosil), kaltsiy stearati.

Farmakodinamikasi

Balg'amning seroz komponenti sekresiyasining ortishi va mukosiliar klirensning kuchayishi balg'amning chiqarilishiga yordam beradi va yo'talni engillashtiradi.

Uzoq muddatli ta'sir ko'rsatadigan ambroksol gidroxloridni 6 oy davomida qabul qilgan surunkali obstruktiv o'pka kasalligi (SOO'K) bilan og'rigan bemorlarda davolashning 2-oyi oxiriga kelib plasebo bilan solishtirganda zo'rayishlarning sezilarli pasayishi qayd etildi. Ambroksol gidroxlorid guruhidagi bemorlarda kasallik kunlarining sezilarli pasayishi va antibakterial preparatlarni qabul qilish kunlarining kamayishi kuzatildi. Shuningdek, ambroksol gidroxlorid guruhida plasebo bilan taqqoslaganda balg'amni chiqarish qiyinligi, yo'tal, nafas qisilishi va auskultativ belgilari kabi statistik jihatdan sezilarli yaxshilanishi kuzatildi. Amrboksol gidroxloridning mahalliy og'riq qoldiruvchi ta'siri quyon ko'zi modelida olib borilgan tadqiqotlarda kuzatilgan va, ehtimol, natriy kanallarini preparat bilan to'sib qo'yish bilan bog'liq. In vitro testlar shuni ko'rsatdiki, preparat neyron natriy kanallarini qaytariluvchan va dozaga bog'liq ravishda bloklaydi.

In vitro holda ambroksol gidroxloridning yallig'lanishga qarshi ta'siri borligi aniqlandi. In vitro testlarda u tsitokinlarning tsirkulyasion va to'qima mononuklear va polimorfonuklear hujayralaridan chiqarilishini sezilarli darajada kamaytirdi.

Tomoq og'rig'i bilan og'rigan bemorlarda o'tkazilgan klinik tadqiqotlar shuni ko'rsatdiki, ambroksol gidroxlorid shimiluvchi tabletka shaklida tomoqdagi og'riq va qizarishni sezilarli darajada kamaytiradi. Ushbu farmakologik xususiyatlar ambroksol ingalyasiyasi yuqori nafas yo'llarining kasalliklarini davolashda foydalanilganda og'riqni tez pasayishini ta'minlaydigan klinik samaradorlik tadqiqotlarining qo'shimcha kuzatuvlarini ta'kidlaydi.

Amrboksol gidroxloriddan foydalanish amoksisillin, tsefuroksim, eritromisin va doksisiklin kabi antibiotiklarning balg'am va bronxlar sekresiyasi konsentrasiyasini oshiradi. Bugungi kunga qadar ushbu ta'sirning klinik ahamiyati isbotlanmagan.

Farmakologik ta'sir

Ambroksol gidroxloridni zudlik bilan chiqariluvchi, og'iz bilan qabul qilinadigan shakllaridan so'rilishi tez va terapevtik diapazondagi chiziqli bog'liqliklar bilan juda to'liqdir. Qon plazmasidagi maksimal kontsentrasiyaga zudlik bilan chiqariladigan dori shakli ichga qabul qilingandan so'ng 1-2,5 soat ichida va uzoq muddat ta'sir qiladigan dori shakli ichga qabul qilganidan keyin o'rtacha 6,5 soat ichida erishiladi.

Taqsimlanishi

Amboksol gidroxloridning qondan to'qimalarga taqsimlanishi tez va aniq bo'lib, ta'sir qiluvchi moddalarning eng yuqori kontsentrasiyasi o'pkada uchraydi. Ichga qabul qilingandan keyin taqsimlanish hajmi 552 litrni tashkil qiladi.

Terapevtik diapazonda plazmadagi oqsillar bilan bog'lanish taxminan 90% ni tashkil qiladi.

Biotransformasiyasi va eliminasiyasi

Ichga qabul qilingan dozaning taxminan 30% metabolizmdan birinchi o'tishdayoq ajralib chiqadi. Ambroksol gidroxloridning metabolizmi asosan jigarda glyukuron kislotasining birikishi va dibromantranil kislotasi qisman bo'linishi bilan sodir bo'ladi (dozaning taxminan 10% ).

Inson jigari mikrosomalarini o'rganish shuni ko'rsatdiki, CYP3A4 ambroksol gidroxloridning dibromantranil kislotasidagi metabolizmi uchun javobgardir.

Og'iz orqali qabul qilishda 3 kun ichida dozaning taxminan 6% erkin shaklda aniqlanadi, dozaning taxminan 26% esa siydikda kon'yugat shaklida paydo bo'ladi.

Ambroksol gidroxloridning organizmdan yarim chiqarilish davri 10 soat. Umumiy klirens 660 ml / daq diapazonida bo'lib, buyrak klirensi umumiy klirensning taxminan 8% ni tashkil qiladi. 5 kundan keyin qabul qilingan dozaning taxminan 83% siydik bilan chiqariladi.

Maxsus bemor guruhlaridagi farmakokinetikasi

Jigar funktsiyasi buzilgan bemorlarda ambroksol gidroxloridning chiqarilishi pasayadi, bu esa uning qon plazmasidagi darajasining 1,3-2 baravar ko'payishiga olib keladi. Preparatning yuqori terapevtik indeksi tufayli dozaga tuzatish kiritish talab qilinmaydi. Amboksol farmakokinetikasi klinik jihatdan ishonchli ravishda yosh va jinsga bog'liq emas, shuning uchun dozani o'zgartirish talab qilinmaydi.

Ambroksol gidroxloridning biologik kiruvchanligi ovqat iste'mol qilishga bog'liq emas.

Homiladorlik va laktatsiya davrida

Ambroksol gidroxloridi ona suti bilan ajralib chiqadi, shuning uchun ko'krak bilan emizish vaqtida preparatni qabul qilish tavsiya etilmaydi.

Klinikadan oldingi tadqiqotlar fertillikka bevosita yoki bilvosita salbiy ta'sirni ko'rsatmadi.

Asosiy ma'lumotlar

• Nimadan?
  Yo'taldan
• Kategoriya
  Shamollash va gripp