Allergik rinit

Burun shilliq qavatining shishishi tufayli rinit paydo bo'ladi. Kasallikni qo`zg`atuvchi asosiy sabablar – allergiya uyg`otuvchilar bo`lib, ulardan eng tarqalganlari - o`simlik changchilari, chang, uy hayvonlari tuklari, kimyoviy moddalar, dori vositalari va zamburug`lar hisoblanadi.

Bu kasallik nasldan naslga o`tadi. Bolalarda bu kasallik immunitetning zaiflashishi tufayli yuzaga keladi.

Allergik rinit quyidagi belgilar bilan tavsiflanadi:

• Ko‘zlar achishishi
• Hid bilishning yomonlashishi
• Ko‘zyosh oqishi
• Hid bilishning pasayishi
• Aksirish
• Tumov
• Tomoqdagi og'riq
• Yuqori yorug‘lik sezgirligi
• Yo‘tal xurujlari
• Burun bitishi
• Ko'zlar qichishi

Allergik rinitni davolash quyidagilarni o'z ichiga oladi:

• immunoterapiya;
• antigistamin dorilar;
• qon tomirlarini toraytiruvchi dorilar;
• hujayra membranasi stabilizatorlari;
• glyukokortikosteroidlar;
• davolovchi mashqlar;
• ingalyatsiya.

Burun to`sig`ining qiyshiqligi tufayli kelib chiqqan surunkali rinitda jarrohlik amaliyoti o`tkazilishi buyuriladi

Xavf guruhidagi bemorlar:

• naslida allergik kasalliklar borlar;
• ekologik jihatdan nosog'lom joyda yashovchi odamlar;
• tez-tez yuqumli kasalliklarga chalinadigan bolalar;

Shifokorlar quyidagi profilaktika choralarini tavsiya qiladilar:

• allergiya qo`zg`atuvchilar bilan aloqada bo`lmaslik;
• yozda ochiq havoda harakat qilishni cheklash (agar o`simlik changiga allergiya bo'lsa);
• haftasiga kamida bir marta uyda nam tozalashni amalga oshirish;
• shampunlar, cho`milish uchun gellar, kremlar va boshqa kosmetika vositalarini ishlatishdan oldin, allergik reaksiyani tekshirish uchun ularni tirsakning bukiladigan joyiga surtib ko`rish;
• to'g'ri ovqatlanish.

Kasallikni davolash paytida shifokor bemorga ma'lum bir parhezni belgilaydi, bu parhez quyidagi oziq-ovqatlarni iste'mol qilishni istisno qiladi:

• tovuq go`shti, tovuq tuxumi;
• mevalar (ayniqsa, sitrus mevalar);
• asal va u bilan bog`liq mahsulotlar;
• bo'yoqlar va oziq-ovqat qo'shimchalari bo'lgan yeguliklar va suyuqliklar.