Mastit

Sabablari
Mastitning belgilari
Diagnostika
Mastitni davolash
Xavf
Xavf guruhi
Shifokor qabuliga yozilish

Mastit ko‘krak bezi yallig‘lanishi bo‘lib, ko‘pincha laktatsiya davrida paydo bo‘ladi, lekin boshqa davrlarda ham rivojlanishi mumkin. Mastit qiz bolalarda, yangi tug‘ilgan chaqaloqlarda va erkaklarda ham uchrashi mumkin.

Mastitni davolovchi barcha shifokorlarni ko‘rish

Sabablari

Mastit quyidagi holatlarda kelib chiqishi mumkin:

Patogen mikroorganizmlarning sut bezi to‘qimasiga so‘rg‘ichlardagi yoriqlar orqali kirishi;
Operatsiyadan keyingi choklarning yiringlashi;
Furunkulyoz asorati;
Travmatik jarohatlar.

Qo‘zg‘atuvchi omillarga laktatsiya, immunitetning pastligi va o‘ta sovqotish kiradi.

Laktatsiya vaqtida noto‘g‘ri ovqatlantirish va sutni yetarli darajada sog‘ib olmaslik sutning ko‘krak qafasida turib qolishiga olib kelishi mumkin, bu esa mastit boshlanishiga olib keladi. Ko‘krak suti va og‘iz suti yiringli yallig‘lanishni keltirib chiqaradigan mikroorganizmlarning o‘sishi uchun qulay muhit yaratadi. Emizikli ayollarda mastit ko‘pincha ikkala sut bezini zararlaydi.

Mastitning belgilari

Mastit belgilari:

Sut bezidagi og‘riqli zichlanishlar;
Zararlangan joylar ustidagi terining qizarishi;
Yuqori harorat.

Progressiyada:

Sut bezi qizib ketadi;
Og‘riq doimiy va "yoyib yuboruvchi" bo‘lib qoladi;
Og‘riq ko‘krak berib emizganda kuchayadi.

Yuqori tana harorati
Zararlangan joy terisining qizarishi

Mastit sutda yiring va qon ketishiga olib kelishi mumkin, bu bolalarda oshqozon ichak yo'li kasalliklarini keltirib chiqaradi.

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldening olish osonroq

Diagnostika

Mastitni, ayniqsa, ko‘krak berib emizish vaqtida aniqlash odatda qiyinchilik tug‘dirmaydi. Murakkab holatlarda sut bezlari o‘smalari bilan differensial diagnostika o‘tkaziladi.

Mastitni davolash

Mastitni davolash shifokor tomonidan tayinlanadi. Mastit bilan og‘rigan ayollarda laktatsiya davrida antibiotiklar faqat favqulodda hollarda qo‘llaniladi, chunki ular chaqaloqlar va uch oygacha bo‘lgan bolalar sog‘lig‘iga ta’sir qilishi mumkin.

Davolash quyidagilardan boshlanishi kerak:

To‘g‘ri so‘rib olish;
Isitish kompresslari;
Emizishdan keyin so‘rg‘ichlar va sut bezlarini marganesning iliq eritmasi bilan yuvish.

Shuningdek, bug‘latilgan anjir yoki bug‘langan paxmoq barglarini ham solish mumkin. Davolashni erta boshlashda simptomlar antibiotiklarsiz yo‘qolishi mumkin.

Agar davolash 3-4 kun davomida yordam bermasa yoki yiringlash belgilari paydo bo‘lsa, keng spektrli antibiotiklar qo‘llaniladi. Og‘ir hollarda yiringni jarrohlik yo‘li bilan yorib ko‘rish talab qilinishi mumkin.

Xavf

Mastitning asoratlari jiddiy bo‘lishi mumkin, shu jumladan infeksiyaning qon aylanish tizimi bo‘ylab tarqalishi, bu esa limfadenit, flegmona, sepsis va ko‘krak bezlari gangrenasiga olib kelishi mumkin. Gangrenoz va flegmonoz xillari, ayniqsa o‘tkir mastitga davo topilmasa, bemorning hayotiga xavf soladi.

Xavf guruhi

Mastit bilan ko‘pincha emizikli onalar kasallanadi, ular emizish qoidalariga rioya qilmaydilar, sutni yaxshi sog‘maydilar va haddan tashqari sovqotadilar. Laktatsiya davrida ehtiyotkorlikka rioya qilib, ayol mastitni davolash zaruratidan qutulib qolishi mumkin.