Endokardit

Sabablari
Endokarditning belgilari
Diagnostika
Endokarditni davolash
Xavf
Xavf guruhi
Oldini olish
Shifokor qabuliga yozilish

Endokardit - bu yurakning ichki pardasi endokardning yallig‘lanishidir. Bu kasallik infeksion jarayon va yurak nuqsoni belgilarini birlashtiradi.

Endokarditni davolovchi barcha shifokorlarni ko‘rish

Endokardit - bu yurakning ichki pardasi endokardning yallig‘lanishidir. Bu kasallik infeksion jarayon va yurak nuqsoni belgilarini birlashtiradi.

Sabablari

Ko‘pincha endokardit mustaqil kasallik emas, balki boshqa kasalliklarning simptomi hisoblanadi, masalan:

Revmatizm;
Sepsis;
Zamburug‘li zararlanishlar;
Biriktiruvchi to‘qimaning diffuz kasalliklari;
Uremiya;
Ba’zan sil, zaxm, brutsellyoz bo‘ladi.

Endokardit mustaqil kasallik sifatida kamroq uchraydi va nospetsifik infeksion (o‘tkir yoki yarim o‘tkir) bo‘lishi mumkin. Uni ko‘pincha streptokokklar, stafilokokklar, goho ichak tayoqchasi, ko‘k yiring tayoqchasi, proteylar va zamburug‘lar chaqiradi.

Endokarditning belgilari

Yurak patologiyasi va infeksiya bilan birga keladigan endokarditda simptomlar juda xilma-xil bo‘lishi mumkin:

Isitma
Bo‘g‘imlardagi og‘riq
Gemorragik toshma
Mushaklar zaifligi
Titroq
Yuqori ter ajralishi
Buyraklarning zararlanishi
Ozish
Terining kulrang rangi
Taloqning kattalashishi
Yurakdagi shovqin

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldening olish osonroq

Diagnostika

Endokarditga shubha bo‘lganda quyidagi diagnostik tadbirlar o‘tkaziladi:

Bemor shikoyatlarini o‘rganish;
Exokardiografik tekshiruv;
Qonning bakteriologik tahlili (sterillikka ekish).

Endokarditni davolash

Bemorda endokardit aniqlanganda davolash antibiotiklarning katta dozalarini uzoq vaqt qabul qilish va immunoterapiyani o‘tkazishni o‘z ichiga oladi. Zarur hollarda glyukokortikoid gormonlar, geparin, antiagregantlar, qonni ultrabinafsha nurlantirish, gemosorbsiya, plazmaferez qo‘shiladi. Infeksion endokarditni terapevtik davolash natija bermasa, infektsiya bilan zararlangan qopqoqni jarrohlik yo‘li bilan olib tashlash va keyinchalik protezlash mumkin.

Xavf

Zamonaviy terapiya ko‘pchilik bemorlarda remissiyaga erishishga imkon beradi. Biroq, kasallikning qaytalanishi ko‘pincha yurak qopqoqlarining jiddiy shikastlanishiga va yurak yetishmovchiligining zo‘rayishiga olib keladi. Endokardit bilan og‘rigan 30% bemorlarda buyrak yoki yurak yetishmovchiligi, intoksikatsiya yoki tromboemboliya tufayli o‘lim sodir bo‘ladi.

Xavf guruhi

Endokardit ko‘pincha yurak nuqsonlari (tug‘ma yoki revmatik nuqsonlar) bilan bog‘liq bo‘lgan qopqoqlardagi patologik o‘zgarishlarda, shuningdek qopqoq protezlari bo‘lganda uchraydi.

Oldini olish

Surunkali infeksiyalarni davolash, ayniqsa, tug‘ma yoki orttirilgan yurak nuqsonlari bo‘lgan odamlar uchun endokarditning asosiy profilaktikasi hisoblanadi.