Depressiya

Kasallik turli sabablarga ko'ra yuzaga kelishi mumkin, bular asosan ruhiy muammolar yoki tashqi ta'sirlar tufayli bo`lishi mumkin. Depressiya rivojlanishiga ta'sir qiluvchi omillar quyidagilardir:

• miyadagi kimyoviy va biologik jarayonlarning buzilishi;
• irsiyat;
• ruhiyatga ta'sir etuvchi omillar (qarindoshlar va do'stlarning o'limi, zo'ravonlik);
• stress (ishdan bo'shatilish, mojarolar, ajralish, pul bilan bog'liq muammolar, jiddiy kasalliklar va boshqalar);
• uzoq muddatli surunkali kasalliklar;
• ichkilikbozlik, giyohvandlik;
• gormonal nomutanosiblik.

Depressiv buzilish quyidagi belgilar bilan tavsiflanadi:

• kayfiyatsizlik, tushkunlik, apatiya;
• faollik va ishlash qobiliyatining pasayishi;
• doimiy charchoq;
• hayotdan qoniqmaslik, unga qiziqishni yo'qotish, yashashni istamaslik;
• tana harakatlari tormozlangan yoki aksincha, tartibsiz va notinch;
• diqqatni jamlay olmaslik;
• asossiz doimiy bezovta bo`lish;
• o'zini past baholash, o'ziga ishonchni yo'qotish;
• uyqusizlik yoki aksincha, doimiy uyqu;
• ishtahaning yo'qolishi yoki ortiqcha ovqatlanish;
• vaznning keskin kamayishi yoki uning ortishi;
• jinsiy istakning yo'qligi

Depressiyani davolash quyidagilarni o'z ichiga oladi:

• antidepressantlar qabul qilish;
• trankvilizator dorilar qabul qilish (og'ir holatlarda);
• psixoterapiya.

Xavf guruhiga quyidagilar kiradi:

• ruhiy kasalliklarga irsiy moyilligi bo'lgan bemorlar;
• homilador ayollar, tug'ruqdan keyingi va menopauza davridagi ayollar;
• o'smirlik va yoshlik davridagi bemorlar, shuningdek, o'rta yoshdagi bemorlar (35-40 yosh).

Ushbu kasallikning oldini olish uchun shifokorlar bemorlarga quyidagilarni tavsiya qiladilar:

• dam olishni tashkil qilish va o'zini ortiqcha yuklamaslik;
• stress va ruhiy larzalardan qochish;
• barcha kerakli vitaminlarni o'z ichiga olgan parhezni to'g'ri shakllantirish.

Depressiyaga qarshi kurashish uchun shifokor O'rta yer dengizi oshxonasiga asoslangan maxsus parhezni belgilaydi. Bunga dengiz baliqlari, sabzavot va mevalar, o'simlik yog'i kiradi.