Kron Kasalligi

Sabablari
Kron kasalligi belgilari
Diagnostika
Kron kasalligini davolash
Xavf
Xavf guruhi
Oldini olish
Parhez
Shifokor qabuliga yozilish

Kron kasalligi ichak yo‘lining surunkali kasalligi bo‘lib, ichakning granulyomatoz segmentar yallig‘lanishi bilan ta’riflanadi. Kron kasalligining kenja turlaridan biri yo‘g‘on ichak Kron kasalligi bo‘lib, unda yo‘g‘on ichak yallig‘lanadi.

Kron Kasalligini davolovchi barcha shifokorlarni ko‘rish

Sabablari

Kron kasalligining sabablari haligacha aniqlanmagan. Quyidagilar moyillik tug‘diruvchi omillar hisoblanadi:

irsiy moyillik;
o‘tkazilgan yuqumli kasalliklar (ayniqsa sil kasalligi);
immunitetning pastligi

Yangi tadqiqotlar kasallikning ehtimoliy yuqumli tabiatini ko‘rsatsa-da, bu gipotezaning yakuniy tasdig‘i hali olinmagan.

Kron kasalligi belgilari

Kron kasalligini aniqlash qiyin bo‘ladi, chunki kasallikning alomatlari ko‘plab shifokor xatolariga olib kelishi mumkin. Patologiyaning asosiy ko‘rinishlari quyidagilardan iborat:

Meteorizm
Ko'ngil aynishi
Isitma
Diareya
Qorin bo‘shlig‘ida kuchli og‘riqlar
Vazn yo‘qotish
Qusish
Ishtahaning pasayishi

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldening olish osonroq

Diagnostika

Qorin bo'shlig'i UZI qilish

Kolonoskopiya

Sigmoidoskopiya

Yo'g'on ichak rentgeni (Irrigoskopiya)

Najasni bakteriologik tekshirish

Umumiy siydik analizi

Umumiy qon tekshiruvi

Kron sindromini aniqlash uchun bir-biriga o‘xshash simptomlar bilan o‘tadigan bir qancha kasalliklarni: o‘tkir appenditsit, ich terlama, dizenteriya, gelmintozlar, me’da-ichak yo‘lining xavfli o‘smalari, yarali kolit, ichak tuberkulyozini istisno qilish kerak. Buning uchun quyidagilar amalga oshiriladi:

Kron kasalligini davolash

Ayni paytda Kron kasalligini to‘liq davolashning iloji yo‘q. Davolash simptomlarni bartaraf etishga va kasallikning remissiyasiga erishishga qaratilgan. Biopreparatlar yuborish, o‘zak hujayralar bilan davolash va membranali plazmaferez kabi yangi davolash usullari endigina joriy etilmoqda va ilg‘or klinikalarda mavjud.

Ichak teshilgan, abssesslar yoki peritonit paydo bo‘lgan hollarda jarrohlik aralashuvi tavsiya etiladi.

Remissiya davrida sanatoriy-kurortda sog‘lomlashtirish tavsiya etiladi.

Xavf

Kron kasalligining quyidagi asoratlari eng katta xavf tug‘diradi:

ichak teshilishi;
peritonit;
ichakning buralishi;
ichak yo‘lining chandiqli torayishi

Ushbu asoratlarni davolash ko‘pincha jarrohlik aralashuvini talab qiladi.

Kron kasalligida homilador bo‘lish mumkin, lekin faqat kasallik turg‘un remissiya holatida bo‘lsa.

Xavf guruhi

Bu guruhga oilada Kron kasalligi bilan kasallanish holatlari bo‘lgan odamlar kiradi.

Oldini olish

Kasallikning etiologiyasi hanuzgacha aniq bo‘lmagani sababli Kron kasalligi profilaktikasi ishlab chiqilmagan.

Parhez

Kron kasalligida to‘g‘ri ovqatlanish prinsipial ahamiyatga ega:

Ichakni ta’sirlovchi mahsulotlar, masalan, nordon sharbatlar, xom sabzavotlar, tariq, sutli bo‘tqalar va qattiq tuxumlarni iste’mol qilmaslik kerak.
Go‘shtli va tovuqli bulondagi yog‘siz sho‘rvalar, qaynatilgan go‘sht va baliq, bug‘da pishirilgan kotletlar, shuningdek yog‘sizlantirilgan qatiq-sut mahsulotlarini yeyishga ruxsat etiladi.
№ 3-jadval bo‘yicha parhezga rioya qilish tavsiya etiladi.